Skátinn minn og prinsinn

Hún var heldur sæl dóttir mín skátinn þegar hún hringdi heim í dag frá alheimsskátamótinu í Englandi. Skátamótið var sett í gær að viðstöddum rúmlega 42000 skátum frá 159 þjóðlöndum og var upplifunin meiriháttar að hennar sögn. Hún var heldur stolt yfir því að hafa fengið að taka þátt í því að taka á móti Vilhjálmi Bretaprinsi og gaf honum meira að segja skátaklútinn sinn og sá ekki mikið eftir klútnum. Hún hafði líka fengið að flagga fyrsta daginn með 158 öðrum skátum frá hinum ýmsu þjóðlöndum og verður það sjálfsagt stund sem hún mun geyma í minni sér um ókomna tíð.

Yfir 40 þúsund skátar samankomnir í Englandi

Athugasemdir

[Linda Ósk Sigurðardóttir (IP-tala skráð) 1.8.2007 kl. 14:50]

Já, hún kemur til með að minnast þessa tima með bros á vör

Frábært hjá henni að fara og ég samgleðst henni af heilum hug því ég veit að hún á eftir að búa að þessari reynslu um ókomin ár.

Ég fór reyndar aldrei á alheimsskátamót en ég brosi enn þegar ég hugsa um öll mótin sem ég fór á og hvað þetta var frábær tími !!!

Eitt sinn skáti, ávallt skáti............mikið til í því