Flug FI 440 farið til Manchester og meira um New Orleans

Ég vaknaði fyrir allar aldir líkt og hina morgnana í New Orleans og var það fyrsta sem ég gerði að fara inn á Icelandair og kanna hvort Elli og hinir strákarnir hefði komist til Manchester og viti menn,

Flug FI 440 Manchester (MAN)  sem áætluð var 08.00 fór frá Keflavík kl.08.26 og því ekki annað að segja en góða ferð strákar og góða skemmtun á leiknum í dag.

Það er ýmislegt á dagskrá laugardagsins 9. febrúar, já og Stella mín til hamingju með daginn .

Síðasti dagur ráðstefnunnar og vettvangsferðin um New Orleans. Shirley ætlar að koma með mér og munum við fara um borgina með fararstjórum og taka nokkur stopp og skoða ummerki eftir náttúruhamfarirnar 2005. Ég keypti bók í gær sem segir hamfarasöguna í máli og myndum. Þar kom fram að Rauði krossinn hefði unnið mikið og gott hjálparstarf og m.a. að á þeirra vegum hefðu verið 219.500 manns að störfum frá frá öllum fylkjum Bandaríkjanna og einnig frá öðrum löndum. Ég verð nú að viðurkenna að ég nota alltaf tækifærið og spyr þá sem ég hitti hvort Rauði krossinn hafi hjálpað þeim eitthvað. Það kemur þá alltaf eitthvað sérstakt blik í augu fólks sem talar um hvað Rauði krossinn hafi staðið sig vel . Það er svo sem ekki eitthvað sem kemur mér sérstaklega á óvart í þeim efnum, en gamla Rauða kross hjartað tekur samt eitt og eitt aukaslag við þessi svör.

Veðrið gengið niður

Athugasemdir

[Guðrún Indriðadóttir, 9.2.2008 kl. 17:36]

það er auðvitað ekki spurning maður gleymir Rauða krossinum ekki svo glatt.  Hafðu það gott.

[Karl Tómasson, 9.2.2008 kl. 20:21]

Óttalegt flakk er á ykkur hjónum.

Bestu kveðjur og góða skemmtun kæru vinir frá Kalla Tomm.

[Ásdís Sigurðardóttir, 9.2.2008 kl. 20:42]

Gaman að heyra að Elli komst með strákunum, nú er bara að bíða og sjá hvernig leikurinn fer á morgun.  Hafðu það gott Herdís mín.

[Marinó Már Marinósson, 9.2.2008 kl. 20:44]

Er einhver hætta á að gleyma Rauða krossinum?    Hann gleymir ykkur ekki.