NN forsíðustúlkan á Skólavörðunni

Ég fékk póst frá Birni Þráni og spurði hann mig hvort ég væri ekki búin að sjá Skólavörðuna. Nú ég var ekki búin að sjá hana og lofaði hann því þá að ég fengi að sjá forsíðumyndina þegar ég kæmi á fund til hans stuttu seinna. Nú svo fékk ég póst frá vinkonu minni Hafdísi Rut og fór hún að tala um myndina sem var þá af formanni fræðslunefndar Mosfellsbær á kynningarfundi vegna Krikaskóla. Svo fékk ég fleiri pósta frá Elísabetu sem sá myndina og Ástu Steinu  Í dag fékk ég svo póst frá Guðlaugu Bjarna vinkonu minni og kennara sem ég hef ekki séð í langan tíma, en við stefnum nú að hitti.... strax eftir próf. Ég er bara nokkuð sátt með þessa óvæntu "heimsfrægð" því það kom í ljós að ég átti enn nokkra vini, því ég var nefnilega handviss um að þegar ég yrði loksins búin með námið ætti ég enga vini eftir.

En myndina tók hann Jón Svavars ljósmyndari á kynningarfundi vegna Krikaskóla. Það var svo ekkert meira um skólann í blaðinu. Það er kannski verið að bíða eftir því að búið verði að ráða skólastjórann og taka hann þá tali.

En hér er sem sé NN forsíðustúlkan

Athugasemdir

[Karl Tómasson, 30.4.2008 kl. 00:31]

Glæsileg að vanda Herdís mín.

Flott mynd, mikið líf.

Bestu kveðjur úr Tungunni.

[Sigurjón Þórðarson, 30.4.2008 kl. 00:34]

Ég tek undir með Karli, flott mynd.

[Guðrún Indriðadóttir, 30.4.2008 kl. 22:48]

það er ekki að þér að spyrja ættir að fara í fyrirsætustörf og hætta þessu púli í skóla nei þú ert örugglega líka á réttri hillu þar

[Bjarkey (IP-tala skráð) 1.5.2008 kl. 08:59]

Heldur þú ekki að maður sé búinn að grobba sig af skólasystur svona flottri á forsíðunni.

Ég leitaði hins vegar að frétt úr Mosó inn í blaðinu en eins og þú segir er engin. Þú bara sérð til þess að fréttir úr Krikaskóla komi þegar við á.

Kveðja úr snjónum í Fjallabyggð

Bjarkey

[Inga Margrét Skúladóttir, Borgarnesi (IP-tala skráð) 1.5.2008 kl. 16:47]

Hæ skvís

ég ætlaði einmitt að óska þér til hamingju með frægðina meðal grunnskólakennara.  Ég fékk Skólavörðuna í hendur á þriðjudaginn og þekkti náttúrulega strax sveitunga minn frá Sigló.  Flott mynd af þér !!!!! Ég er ekki eini Siglfirðingurinn sem kennir í Grunnskólanum í Borgarnesi, heldur er þar líka Hólmfríður Ólafsdóttir (´68 árgang) og að sjálfsögðu vorum við mjög stolltar af þér. 

Bestu kveðjur úr Borgarnesinu.

Inga Margrét. (´66)

[Linda Ósk Sigurðardóttir (IP-tala skráð) 2.5.2008 kl. 09:07]

Þetta ert bara þú.....stór og falleg kona!