Bumbubolti er stórhættulegur

Við ætluðum að vera farin heim á Siglufjörð áður en við færum á landsmót skáta sem hefst 22.júlí ......en svo breyttust plönin skyndilega. Elli náði að brjóta á sér sperrilegginn og slíta allt sem hægt var að slíta í ökklanum í sama sprakinu ... hann var nefnilega í bumbubolta á Tungubökkunum vinurinn sæli. Hann fór svo í aðgerð í gær og skrúfuðu þeir hann saman og hljóðaði reisupassinn upp á "tærnar upp í loft til 7. ágúst karlinn minn" 

Það eru nokkrir búnir að leggja það til að nú yrðu fótboltaskórnir Ella bronsaði og settir á hilluna, en mér þætti nú meira við hæfi að þeir yrðu bara gifsaðir.

Athugasemdir

[Marinó Már Marinósson, 18.7.2008 kl. 11:03]

Ja hérna.  Það á ekki af ykkur að ganga :(     

Láttu mig vita.   Ætli ég þekki ekki þennan bolta og afleiðingar sem af honum getur hlotist.       Ég myndi henda skónum, ef ég væri þú; ekki bronsa þá því þá fer Elli bara út í búð í haust og kaupir sér nýja.     Gefðu honum bara stærra sjónvarp til að horfa á Enska boltann, en boltinn er hvort eð er að byrja aftur í ágúst.    kveðja til ykkar allra.

[Hrafnhildur Ýr Vilbertsdóttir, 18.7.2008 kl. 11:39]

Æi ekki gott að heyra, var einmitt á Sigló um daginn og fer að verða þar meira því Valur var að taka við starfi Umhverfisfulltrúa og Garðyrkjustjóra, en hvernig er það kona góð, lestu aldrei gesta bókina þína?

[Ásdís Sigurðardóttir, 18.7.2008 kl. 18:47]

Ja, ljótt er að heyra, það á ekki af honum Ella þínum að ganga þetta árið.  Taktu helv...  skóna og hentu þeim, hann má bara ganga á blankskóm í framtíðinni og mundu svo eftir hálkuvörninni þegar fer að frysta.  Góðar batakveðjur og kær kveðja á þig vina mín, eigið ljúfa helgi. 

[Blíðfinnur (IP-tala skráð) 18.7.2008 kl. 21:41]

Æ, Æ, aumingja Elli þinn.  Eins og ég hef alltaf sagt, hvað skyldu vera margar vinnustundir sem ekki eru unnar þar sem að viðkomandi hefur verið frá vinnu vegna íþróttameiðsla. En minn kæri þú átt alla mína samúð og ég veit að þinn ektamaki mun stjana við þig um leið og þú kallar. Herdís: kaffið er orðið kallt, nennirðu að skipta um sjónvarpsrás, það þarf að slá garðinn, bóna bílinn.............. Farðu vel með þig minn kæri vinur. Kv. Blíðfinnur.

[Vilborg Traustadóttir, 18.7.2008 kl. 23:06]

Nú er tækifærið Herdís til að stinga af á Ketilásinn "í fylgd með fullorðnum", æ hvað er ég að segja, Elli getur enga björg sér veitt og það fyrsta sem mér dettur í hug er ball! Enda er ég dansleikjahaldarinn í þessu tilfelli og á mikið undir að dæmið gangi upp. Við hyggjumst þó láta Ketiláshúsið njóta góðs af ef einhver afgangur verður!

[Vilborg Traustadóttir, 18.7.2008 kl. 23:08]

++++ Stóóóórt knús til Ella!!!! Og ykkar allra...

[Herdís Sigurjónsdóttir, 19.7.2008 kl. 20:22]

Takk elskurnar , það hjálpar að fá góðar kveðjur..

Já, ég er búin að kaupa áskrift að stöð 2, sport I II III allt sem ég fann ... og nýja blankskó.... með hálkuvörn. Svo er ég farin að nefna það að fara á Sigló í næstu viku ....

[Vilborg Traustadóttir, 20.7.2008 kl. 23:47]

Já! Lestu Moggann á morgun, þar er sagt frá glugga á Ketilásnum, litla mín....;-)

[Guðrún Indriðadóttir, 22.7.2008 kl. 21:59]

vefðu honum inn í bómullþú verður nú að stjana svo lítið við hann