Hvað endurspeglar þetta?

Það var fróðlegt að sjá nánari greiningu á því hvar flokkarnir hafa hlutfallslega mest fylgi í Suðurkjördæmi eftir svæðum. Þar sem ég bý ekki þar hef ég ekki mikla tilfinningu fyrir því hvað þetta endurspeglar, en ég ímynda mér að persónulegt fylgi Árna Johnsen í Vestmannaeyjum sé a.m.k. ástæða þess að D listinn greinist með 55,5% fylgi í Eyjum og sterk staða Framsóknarflokksins í Árnessýslu, en annað er mér nokkurn vegin lokuð bók.

Hvað haldið þið að valdi?

Heildarniðurstaða:

Samkvæmt könnuninni fengi Sjálfstæðisflokkur (D) fengi 40,9% og 5 þingmenn, Samfylkingin (S) fengi 24,0% og tvo þingmenn, Framsóknarflokkurinn (B) 14,2% og einn þingmann, Vinstri græn (V) fengju 13,7% og einn þingmann, Frjálslyndi flokkurinn (F) fengi 4,8%, Íslandshreyfingin (I) 2,2% og Baráttusamtökin (E) fengju 0,3.

Sundurgreining á fylgi eftir svæðum:

Hlutfallslega hæst á Suðurlandi austan Árnessýslu

V-listi  (23,2%)

Hlutfallslega hæst í Árnessýslu

B-listi (23,6%)

Hlutfallslega hæst í Vestmannaeyjum

D-listi (55,5%)

Hlutfallslega hæst á Suðurnesjum  

S-listi (27,6%)

F-listi (8,3%)

I-listi (3,7%)

E-listi (0,7%)

D-listi með 55,5% fylgi í Eyjum

Athugasemdir

[Hlynur Bárðarson (IP-tala skráð) 23.4.2007 kl. 10:01]

Ég verð nú að fá að tjá mig aðeins varðandi þessa frétt, sem vinur úr mastersnáminu.

Sko, morgunblaðið verður að passa sig aðeins þegar það slær svona fréttum upp. Úrtakið er 800 manns en einungis 65% svarhlutfall, það gerir um 520 manns. Þessir 520 manns dreifast síðan út um allt kjördæmið þannig að á þessum stöðum sem taldir eru upp er einungis um örfáa einstaklinga að ræða. Sem dæmi er úrtakið í vestmannaeyjum 30 manns, að mér skilst. Það er nú ekki mikið til að byggja á og hæpið að túlka mikið út úr þeim tölum enda skekkjumörk þá orðinn töluverð.

Mundu bara að nota gagnrýna hugsun þegar slík tölfræði er sett upp, það kemur sér alltaf vel, hvort sem er í leik, starfi eða pólitík.

Kv, Hlynur Bárðarson

Umhverfis og auðlindafræðinemi

[Vilborg Traustadóttir, 23.4.2007 kl. 10:23]

Ég veit fyrir víst að Árni Johnsen hefur mjög sterka stöðu í Eyjum.  Fólk sem aldrei áður hefur kosið D-lista mun kjósa hann nú til að styðja Árna J.  Árni Matt vinnur líka á, það er augljóst.  

[Herdís Sigurjónsdóttir, 23.4.2007 kl. 10:26]

Sæll Hlynur, gaman að fá smá líf úr skólanum , er að verða brjáluð á að vera heima í veikindaleyfi og hlakka til að komast í skólann aftur. Gengur ekki vel? Ég fer í mitt eina próf, stjórnsýslurétt næsta laugardag og síðan er það bara ritgerðin í sumar.

Þetta var nákvæmlega það sem sló mig í þessari frétt og því er þessi fyrrisögn tvíræð og verst að ekki er hægt að senda hljóðfile með til að tónninn heyrist....Það er ekki heldur gefið upp hvort kjördæminu var skipt upp í Suðurnes, Árnessýslu, austan Árnessýslu, Vestmannaeyjar eða meira.