Flott án fíknar

1584408_p5300148

Það var ekki slakt að fá hringingu frá frumburðinum henni Ásdísi Magneu þegar hún sagði að þær Dagbjört og Helga hefðu unnið auglýsingasamkeppni UMFÍ, þar sem þemað var "flott án fíknar".

Ásdís tók stuttmyndagerð sem valfag í 9. bekk í Lágafellskóla í vetur. Þeim stelpunum var sagt frá þessari keppni og skelltu þær sér í að búa til auglýsingu. Þær voru fljótar að ákveða hvernig þær ætluðu að hafa auglýsinguna og svo skelltu þær sér í málið. Þær völdu að sýna heilsusamlegan lífstíl í auglýsingunni og andstæðuna við að vera í fíkniefnum. Ásdís er mikil tölvukerling eins og mamma og naut sín í botn við að klippa myndirnar og setja inn lagið og svo var bara að bíða.

Þær fengu svo símtal þar sem þeim var sagt að þær væru komnar í úrslit og urðu þær heldur glaðar. Svo kom stóra hringingin, af fjölmörgum keppentum urðu þær í fyrsta sæti sem er enginn smá heiður fyrir skvísurnar úr Mosó. Þær fóru í sjónvarpsviðtal á Stöð 2 og fengu þar afhent verðlaunin sem voru Canon IXUS myndavél sem gefin var af Nýherja. Ásdís keypti hinar út og ætlar að taka myndavélina með sér til Finnlands á morgun, en er hún að fara í ungmennaskipti og þar fer hún m.a. á ljósmyndanámskeið og því mun myndavélin koma sér vel.

Auglýsingin þeirra verður svo sýnd á Stöð-2, Sýn og Sirkus og verður gaman að sjá hana. Hún er nú komin í lokavinnslu hjá fyrirtækinu Filmus sem gefur vinnu sína sem og tónlistarmaðurinn Árni Rúnar Hlöðversson sem samdi lag við auglýsinguna.

 


« Síðasta færsla | Næsta færsla »

Athugasemdir

1 identicon

Til hamingju með þetta og bara knús, knús til ykkar allra.

Ásdís er hæfileikarík og frábær stelpa sem nýtur sín vel hvort sem það er að syngja í afmæli mömmu sinnar og pabba, leika í leikristi, dressa sig upp á öskudag nú eða annast systkyni sín. Kraftmikil eins og mamma sín........og pabbi :)

Linda Ósk Sigurðardóttir (IP-tala skráð) 2.6.2007 kl. 11:30

2 Smámynd: Ásdís Sigurðardóttir

Innilega til hamingju með nöfnu mína. Sannarlega unglingur á réttri leið í lífinu, hefur örugglega gott veganesti að heiman.

Ásdís Sigurðardóttir, 2.6.2007 kl. 14:30

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband