Nýr bæjarstjóri í Mosfellsbæ

Í gær voru bæjarstjóraskipti hjá Mosfellsbæ. Haraldur Sverrisson tók við embættinu af Ragnheiði Ríkharðsdóttur sem óskað lausnar eftir rúmlega fimm ára starf. En eins trúlega hefur ekki farið fram hjá lesendum bloggsins hjá mér þá var Ragnheiður kjörin alþingismaður í alþingiskosningunum síðastliðið vor. Ég grínaðist með það í ræðu sem ég hélt í kveðjuhófi Ragnheiðar að ég notaði óhefðbundnar leiðir til að koma mér ofar á lista okkar sjálfstæðismanna. Ég hefði unnið ötullega að því að koma Ragnheiði á þing og nú væri næsta verk fyrir mig að koma Haraldi í forsetastólinn . 

Haraldur Sverrisson bæjarstjóri hefur verið bæjarfulltrúi, formaður bæjarráðs og formaður skipulags- og byggingarnefndar Mosfellsbæjar í fimm ár, eða frá því að við sjálfstæðismenn fengum meirihluta í bæjarstjórn 2002. Við höfum samt unnið saman mun lengur því hann var varabæjarfulltrúi kjörtímabilið 1998 - 2002 og sat hann þá líka í skipulagsnefndinni. Þá vorum við í minnihluta og höfðum því ágætis innsýn í bæjarmálin þegar við náðum meirihlutanum árið 2002.  

Ég óska Halla vini mínum og samstarfsfélaga hjartanlega til hamingju með embættið. Ég hlakka til samstarfsins og veit að hann á eftir að standa sig vel sem bæjarstjóri og styðja vel við bakið á mér, nýbökuðum formanni bæjarráðs. 

  

Athugasemdir

[Ásdís Sigurðardóttir, 1.9.2007 kl. 16:18]

Til hamingju með nýja bæjarstjórann, vona að honum gangi vel og þið verðið öll ánægð með hann og hans störf.  Þú verður svo bæjarstjóri eftir næstu kosningar  ekki spurning

[arnar valgeirsson, 1.9.2007 kl. 22:13]

hjaranlega til hamingju með embættið, herdís.

trúi því algjörlega að þú eigir eftir að standa þig eins og hetja, þó ég sé nú ekki alveg stuðningsmaður þíns flokks....

en er þetta ekki spurning um að gott fólk vinni góð verk í sameiningu ha?

bestu kveðjur.

[María Harðardóttir og Þorsteinn Narfason, 2.9.2007 kl. 07:52]

Til hamingju, hlakka til að vinna með ykkur þegar ég kem til baka úr fæðingarorlofinu. Kveðja Þorsteinn

[Herdís Sigurjónsdóttir, 2.9.2007 kl. 09:15]

Takk hálfnafna, ég hugsa bara eitt kjörtímabil í einu .

Arnar, takk fyrir það. Það er svo merkilegt að ég hef aldrei átt erfitt með að vinna með fólki úr öðrum flokkum, enda snýst þetta yfirleitt frekar um leiðir en málin sjálf, sem í okkar tilfelli er hagur bæjarbúa.

Hjartanlega til hamingju með erfingjann Þorsteinn og María  og sömuleiðis Þorsteinn, ég mun örugglega líka leita til þín vegna umhverfis- og auðlindanámsins .

[Andrea, 3.9.2007 kl. 00:39]

Til hamingju með nýju stöðuna Herdís, þú ert vel að henni komin. Ég er mjög ánægð með Harald sem bæjarstjóra og óska okkur og honum til hamingju með það.

[Linda Ósk Sigurðardóttir (IP-tala skráð) 3.9.2007 kl. 22:35]

Elsku vinkona, til hamingju með nýtt hlutverk og ég veit að þú rúllar þessu upp með glæsibrag eins og öllu öðru sem þú tekur þér fyrir hendur. Gangi þér vel elskan

[Sirrý (IP-tala skráð) 4.9.2007 kl. 00:43]

Hæ Elsku Herdís mín :*

Langaði bara að óska þér til hamingju með nýju stöðuna :*

Ég kíki reglulega hér inn og fylgist með þér, ákvað að það væri tími til kominn að skilja eftir kvitt;)

þín Sirrý ;)

[Vilborg Traustadóttir, 4.9.2007 kl. 11:26]

Til lukku með bæjarstjórann og með formennsku þína í bæjarráði. Þú ert manneskjan!!!! ( Dregið af "you are the man")

[Herdís Sigurjónsdóttir, 4.9.2007 kl. 16:38]

Takk elskurnar , þið eruð yndi.