Eyrnatappaskrifstofan í Rituhöfðanum

Er komin á "skrifstofuna" mína. Hún er í miðjum almenningnum heima hjá mér, við stofuborðið og þar læri ég öllum stundum þessa dagana. Það sem gerir mér þetta mögulegt þegar allir eru heima eru þessir líka frábæru eyrnatappar. Ég set tappana í eyrun og á andartaki er ég ein í heiminum. Krakkarnir eru búin að læra að þegar mamma er á "skrifstofunni" borgar sig að koma og pikka í hana, því annars er ekki víst að hún heyri. En ég er með aðstöðu vestur í háskóla, en af því að Ásdís er í samræmdu og ég líka í prófum þá er betra að vera heima. 

En brátt get ég sagt upp þessu skrifstofuhúsnæði því á mánudaginn klára ég síðasta prófið og þá ætlar mamman taka tappana úr eyrunum og njóta þess að eiga yndislegt sumar með fjölskyldunni og heimsækja vini sem ég hef vanrækt á síðustu tveimur árum.

Ég er búin að ákveða það að skrifa meistararitgerðina á rigningardögum... ef það verður sól í allt sumar verð ég kannski eitthvað að endurskoða það, en við búum nú á Íslandi og því er ég bara svona temmilega bjartsýn á að planið komi til með að þurfa endurskoðunar við.

Athugasemdir

[Anna Kristinsdóttir, 2.5.2008 kl. 08:30]

Þekki þetta. Síðustu skil hjá mér 12 maí. Þá er bara meistararitgerðin eftir. Henni VERÐUR lokið í september.

Nú er bara að vona að það rigni af og til í sumar:)

[Guðrún Indriðadóttir, 2.5.2008 kl. 22:01]

hæ, hæ, á ég von á að þú komir í heimsókn til mín langar alla vega að telja mig með þessum vanræktu vinum er tilbúin með kaffivélina heita sjáumst

[Vilborg Traustadóttir, 2.5.2008 kl. 22:47]

Gangi ykkur vel.

[Ásdís Sigurðardóttir, 3.5.2008 kl. 12:50]

Hlakka til að hitta þig sem fyrst og gangi þér vel á síðustu metrunum.  Hjartanskveðja í Mosó.