82% Sjálfstæðismaður

Þetta S-Hvað próf frá Bifröst var aðal grínið hjá vinnufélögunum í dag. Ef prófað er að vera ekki með neina skoðun þá ertu Samfylkingarmaður, ef þú prófar að vera á móti öllu ertu Vinstri grænn. Ég sá að ég var bara 82% Sjálfstæðismaður og ég sem hef alltaf haldið að ég væri 100% Sjalli.

Ég ætla rétt að vona að fólk fari ekki að taka þetta próf alvarlega. Ég sá að hann Þrymur bloggvinur minn hafði einmitt verið að blogga um þetta og lýsir hann hér ágætlega tilraunum sínum.

X - HVAÐ II

Þetta sniðuga forrit frá Bifrastar hópnum bíður upp á skondna möguleika og kemur mörgum ansi undarlega fyrir sjónir þegar horft er á niðurstöðurnar

Sé ég í góðu skapi og sólin brosir bak við ský og er sammála öllum atriðum þá kemur þessi niðurstaða.

Skoðanir þínar eru í mestu samræmi við skoðanir Samfylkingarinnar!

Tókuð þið eftir þessu - Aftur Samfó

Nú er ég sestur niður eftir matinn með ilmandi kaffi og konjakk og er í besta skapi og tek vel í allt og er mjög sammála. Þá kemur þessi niðurstaða.

Skoðanir þínar eru í mestu samræmi við skoðanir Samfylkingarinnar! 

Tókuð þið eftir þessu - Aftur Samfó og enn.

Jæja þetta voru sláandi niðurstöður.

Ég vona sannarlega að fólk myndi sér ekki eingöngu skoðun út frá þessu forriti.
Sérlega þeir sem eru óvissir og vita vart í hvorn fótinn þeir eiga að stíga.

Mjög vinstra sinnað apparat svo ekki verði meira sagt.

 

 

Athugasemdir

[Vilborg Traustadóttir, 10.5.2007 kl. 00:39]

Skoðanir þínar eru í mestu samræmi við skoðanir Sjálfstæðisflokksins! Tók prófið...

[Gunnlaugur B Ólafsson, 10.5.2007 kl. 00:42]

Já, það eru bara svo margir spennandi möguleikar við það að vera Samfó, en að vera Sjalló er miklu þrengra! Tókuð þið eftir því í Fréttablaðinu í dag að varaformenn allra flokka völdu helst Samfylkinguna sem samstarfsflokk í ríkisstjórn. Reyndar þorði Þorgerður Katrín ekki að viðurkenna það.

                               Mbk

[Herdís Sigurjónsdóttir, 10.5.2007 kl. 07:28]

Já Gunnlaugur það eru margar skoðanir sem rúmast innan Sjálfstæðisstefnunnar, það vita þeir sem setið hafa landsfund og komið hafa að stefnumótun. Ekki má heldur gleyma því að stefnan er sífellt í mótun.  Í þessari litlu könnun var aðeins lítið brot af málum kannað og oft sérstakt hvernig stigagjöf var að baki spurningunum og ekki augljóst hvernig þetta er hugsað.

Það er svo sem ekki frétt að kaffibandalagið vilji starfa saman út á það gekk kosningabarátta hjá flokkunum í byrjun, en í hjartans einlægni þá fæ ég hroll við tilhugsunina um vinstri stjórn eftir kosningar 

Ekki ætla ég gera Þorgerði Katrínu upp skoðanir, en minni á að bæði Framsókn og Sjálfstæðisflokkur gengu óbundnir til kosninga.

[Gunnlaugur B Ólafsson, 10.5.2007 kl. 10:24]

Hæ, Herdís við höfum mismunandi hrollvekjur! Það er bara hluti af hinum skemmtilega fjölbreytileika mannlífsins. Sé fyrir mér góða tilbreytingu með rósum, rauðvíni og rómantík    ... ISG var allavega sigurvegari gærkvöldsins í formannaþætti. Þetta er allt á réttri leið.

Er farin að verða bjartsýnn um að munur á D og S verði ekki mikið meiri en 5%. Huganlega 31% vs. 36%. Samfylking var í gærkvöldi með 29% hjá Félagsvísindastofnun, en Sjálfstæðisflokkur hefur verið að mælast með 37-38%. Samfylking er líka í miklum sóknargír sem ég skynja ekki hjá Sjálfstæðisflokknum, auk þess sem Samfó á meira inni hjá óákveðnum heldur en Sjalló. Sendi þér rauðvín og rós ef ég reynist sannspár!

[Andrea, 10.5.2007 kl. 12:11]

Hehe, ég var sátt með útkomuna, kom út sem 100 % sjalli, en fannst skuggalegt hvað ég var á sama tíma með hátt hlutfall hjá samfylkingunni.

Ég held þó að flestir séu nógu greindir til þess að vera ekki að taka mikið mark á þessu. :)

[Gunnlaugur B Ólafsson, 10.5.2007 kl. 12:27]

Það er gott að sjá að talskona VG í Mosfellsbæ er búin að gefa út meldingu um að flokkurinn sjái sig helst undir sæng með íhaldinu líka í landsmálapólitíkinni. Frábært, hreinar línur!

[Ásdís Sigurðardóttir, 10.5.2007 kl. 17:13]

Ég var auðvitað sjálfstæðiskona en ekki er vottur af vinstri-grænku í mér, sveitastelpunni, skrítið. Annars sagði góð vinkona mín mér að ef maður hefði enga skoðun á neinu í prófinu þá væri maður 100% samfylingarmanneskja, sel það ekki dýrara en ég keypt það