Rýming um Reykjanesbraut - Umferð á hættu- og neyðartímum

Verkefnið Umferð á hættu- og neyðartímum á var kynnt á Rannsóknaráðstefnu Vegagerðarinnar í Hörpu 9. nóvember 2012

Umferð á hættu- og neyðartímum
Fyrsti hluti – rýming Suðurnesja um Reykjanesbraut
Herdís Sigurjónsdóttir og Svanhildur Jónsdóttir, VSÓ Ráðgjöf kynna.

Ágrip:

Framtíðin er óskrifað blað og erfitt að segja til um náttúruhamfarir eða aðrar ógnir við samfélagslegt öryggi. Því er mikilvægt að nýta hermilíkön til að auðvelda skipuleggjendum að sjá til fyrir hvað gæti mögulega gerst og til að hægt sé að skipuleggja viðbrögð og samhæfingu aðgerða og útbúa viðbragðsáætlanir byggðar á þeim niðurstöðum.

VSÓ Ráðgjöf hafði frumkvæði að verkefninu Umferð á hættu- og neyðartímum sem hefur það markmið að auka öryggi fólks á Suðurnesjum og höfuðborgarsvæðinu við rýmingar á hættu- og neyðartímum. Verkefnið hlaut styrk Rannsóknarsjóðs Vegagerðarinnar. Samstarfsaðilar eru þeir aðilar sem hafa lagalega ábyrgð á þessum málum sem eru auk Vegagerðarinnar, Almannavarnadeild ríkislögreglustjóra, almannavarnanefndir Grindavíkur, Suðurnesja og höfuðborgarsvæðisins og lögregluembættin á Suðurnesjum og höfuðborgarsvæðinu.

Búið er að ljúka fyrsta áfanga verkefnisins sem lýtur að gerð hermunarlíkans fyrir Reykjanesbraut. Niðurstöður sýna helstu flöskuhálsa í vegakerfinu sem nýtast til að ákvarða hvar umferðarstjórnunar er þörf. Mislægu gatnamótin á Reykjanesbraut reyndust mjög vel við rýmingu og er því talið ráðlegt að leggja áherslu á beina flóttaumferð inn á mislæg gatnamót þar sem þau eru til staðar.
Var hermilíkan af flóttaumferð á Reykjanesbraut kynnt á fundi með almannavarnanefndum á Suðurnesjum 13. apríl sl. Kom fram í máli Sigríðar Bjarkar Guðjónsdóttur lögreglustjóra á Suðurnesjum að gagnsemi hermilíkansins sé augljóst og fagnaði hún því að lagt hefði verið í vinnu við ð herma rýmingu Suðurnesja og höfuðborgarsvæðisins í framhaldinu. Þannig sé hægt að samhæfa iðbrögð allra aðila og auka líkur á því að umferð gangi áfallalaust fyrir sig komi til rýmingar svæðisins.

Markmið verkefnisins var að auka öryggi fólks á Suðurnesjum og höfuðborgarsvæðinu við rýmingar á hættu- og neyðartímum, bæði samfélagslegs- og umferðarlegs eðlis. Með verkefninu er jafnframt verið ð uppfylla lagalega skyldu opinberra aðila s.s. laga um almannavarnir nr. 82/2008, vegalög nr. 80/2008 og lögreglulög nr. 90/1996. Fyrri rannsóknir og umferðarlíkön sem unnin hafa verið af VSÓ
Ráðgjöf eru styrkur fyrir verkefnið, sem reynsla og þekking samstarfsaðila.

Framkvæmdin fólst í því að útbúa hermunarlíkan til að kanna afkastagetu Reykjanesbrautar við rýmingu Suðurnesja og möguleika á forgangsakstri við þær aðstæður. Markviss upplýsingagjöf til almennings um stöðu mála er mikilvæg við þessar aðstæður, ekki síst til þeirra sem eru úti í umferðinni og var talin þörf á að skoða hvernig best væri að standa að þeim þætti sérstaklega.
Umferðarhermunar forritið TransModeler var notað til að herma umferð á Reykjanesbraut að afleggjara við álverið í Straumsvík þar sem í skipulagi almannavarna er gert ráð fyrir lokun á svæðinu.

Notuð var raunstaða umferðar- og skipulagsmála í dag. Þar kemur fram afkastageta gatnamannvirkja og hvar helstu flöskuhálsar eru ef til rýmingar Suðurnesja kæmi.
Notaðar voru tvær sviðsmyndir við gerð hermilíkansins:
1. Rýming Suðurnesja um Reykjanesbraut þar sem nýttar yrðu sömu akstursstefnur og eru í dag.
2. Rýming Suðurnesja um Reykjanesbraut þar sem akstursstefnum væri breytt á Reykjanesbraut og allar akreinar brautarinnar nýttar til rýmingar í sömu átt.
    
Í forsendum var gert ráð fyrir þremur einstaklingum í bíl. Íbúatölur voru notaðar til að áætla fjölda bíla em þyrfti að rýma og þéttleiki byggðar var notaður til að ákvarða hversu margir bílar myndu nota hver gatnamót. Gert var ráð fyrir að rýma um 1.500 bíla frá Keflavíkurflugvelli og að Suðurstrandarvegur væri ófær.

Niðurstöður sýndu að rýmingartími fyrir öll Suðurnesin fyrir sviðsmynd 1 voru þrjár klukkustundir og 18 mínútur, en tvær klukkustundir og 24 mínútur fyrir sviðsmynd 2. Rýmingin tæki því talsvert styttri ef allar akgreinar Reykjanesbrautar yrðu nýttar til rýmingar í sömu átt, það skal þó hafa í huga að gera þarf ráð fyrir forgangsakstri í báðar áttir inn og út af svæðinu og því væri slík rýming óraunhæf, auk þess sem umferðaröryggi væri ógnað þar sem um frávik frá réttri akstursstefnu væri að ræða.

Líkanið sýndi einnig helstu flöskuhálsa í vegakerfinu sem nýst getur til að ákvarða hvar umferðarstjórnunar er þörf og hvar gæti verið heppilegt aðnota umferðarlokanir til að stýra umferð. Mislægu gatnamótin á Reykjanesbraut reyndust mjög vel í báðum sviðsmyndum og því ráðlegt að leggja áherslu á að stjórna umferð þannig að henni sé beint inn á mislæg gatnamót þar sem þau eru til staðar.

Hvað varðar upplýsingagjöf til almennings á hættu- og neyðartímum hefur mikil framþróun átt sér stað  liðnum árum. Hlutverk útvarpsstöðva er ótvírætt og ber öllum útvarpsstöðvum skv. útvarpslögum að enda út þær tilkynningar sem almannavarnir óska eftir til að veita almenningi upplýsingar þegar þörf er á. Neyðarlínan er að taka í notkun „Cell Brodcasting System" sem gerir það kleift að senda skilaboð á alla farsíma sem eru tengdir þeim sendum sem valdir eru. Þannig verður hægt að koma eiðbeiningum og boðum til íbúa og ferðamanna á hættusvæðum á fleiri tungumálum en íslensku. innig er verið að vinna að 1-1-2 smáforriti („app") fyrir snjallsíma. Þeir sem hafa slíkt forrit í síma ínum munu geta sent aðstoðarbeiðni til 1-1-2 ásamt staðsetningu.

Niðurstöður verkefnisins geta nýst sem partur rýmingaráætlunar fyrir svæðið vegna mismunandi áfalla, fjölda vegfarenda, umferðarstjórnunar og vegakerfis. Hermilíkanið getur jafnframt nýst við skipulagsvinnu ríkis og sveitarfélaga.

Hér eru kynntar niðurstöður fyrsta hluta verkefnisins. Næstu skref verkefnisins Umferð á hættu- og neyðartímum felast í því að tengja hermilíkan Reykjanesbrautar við gatnakerfi höfuðborgarsvæðisins og leita leiða til að koma umferð í gegnum höfuðborgarsvæðið á skjótan og öruggann hátt. Ætlunin er að meta afkastagetu vegakerfisins með notkun Suðurstrandavegar, Ofanbyggðavegar, Sundabrautar ða annarra framtíðarvegatenginga á svæðinu. Leitað verður eftir aðkomu sveitarfélaga og annarra agsmunaaðila við vinnuna.

Ánægja samstarfsaðila með árangur verkefnisins og gagnsemi hermilíkansins sem er mikilvæg þar sem um er að ræða þá aðila sem bera ábyrgð á þessum málum. Verið er að útbúa verkfæri sem skipuleggjendur geta nýtt við gerð heildstæðrar rýmingaráætlunar fyrir Suðurnes og höfuðborgarsvæðið, en veitir það ekki síður möguleika á að útbúa álíka hermilíkön fyrir önnur þéttbýlissvæði til að auka öryggi íbúa þeirra svæða með sama hætti.

Hér er kynningin á verkefninu af ráðstefnu Vegagerðarinnar

Hér er hlekkur inn á frétt í kvöldfréttum RÚV 19. nóvember 2012 um verkefnið

 

Siglufjörður bestur í heimi?

 Á dögunum var ég beðin um að halda fyrirlestur um Siglufjörð fyrir áhugasaman hóp hér á SV horninu. Fyrirlesturinn mun bera heitið "Siglufjörður. eitthvað meira en síld?". Í því tilefni gerði ég stutta og afar óvísindalega könnun meðal vina minna á Facebook og spurði. Hvað er Siglufjörður ykkur? Eitthvað jákvætt eða neikvætt um Siglufjörð eða Siglfirðinga. Minningarbrot úr æsku eða frá heimsók. Breytingar - jarðgöng - söfn - skíðasvæðið. Bara eitthvað, ég er spennt að sjá afraksturinn :D

Viðbrögðin létu ekki á sér standa og fékk ég fjöldann allan af svörum og mátti til með að deila þeim með ykkur. Ef þið hafið einhverju við að bæta er ég enn að safna.

Siglufjörður er minn æskubær ég elska fjöllin og bara allt skrifaði Stella Þorláks gömul vinkona mömmu sem ég hitti í sumar

Ég á nú ekki svo margar... enda fór þaðan 9 ára - ein af mínum er þegar blómabílinn kom á torgið og mér fannst svo skemmtilegt að sjá öll blómin á torginu og konurnar að velja sér blóm:) í minningunni var þetta litadýrð. Í mörg ár þegar ég var spurð hvaðan ég væri þá svaraði ég Íslandi en í dag þá svara ég Siglufirði og er stolt af:) Spurning hvort þetta sé merki um aldur konunnar?;) .... skrifaði mín yndislega frænka Guðrún Stefáns

Yndislega fallegur bær, verið þar í útilegu og líka farið í heimsóknir og skoðað söfnin:) Svo furða ég mig líka alltaf á því hvað ég kannast við marga Siglfirðingar miðað við hvað bæjarfélagið er lítið. Þeir láta svo sannarlega að sér kveða;) .. þetta skrifaði Ella Mosfellingur

Dásamlegur bær, sakna Siglufjarðar, skrifaði tengdó sem var þar í sumar.

Besti staður í heimi, skrifaði Halli

Katrín Anna skrifaði. Á hverju ári þegar ég var krakki var farið í sveit í Fljótin. Því fylgdi nánast alltaf dagsferð til Sigló að heimsækja ættingja. Ferðirnar voru alltaf skemmtilegar og ekki spillti fyrir að keyra í gegnum Strákagöng sem voru þó aðeins of stutt! Ég dvaldi líka í mánuð þar þegar ég var 13 í góðu yfirlæti. Dreymir ennþá um bíóísinn í boxi með súkkulaðisósu og dýfu ;)

Hér skrifaði Mundý mín kæra skólasystir af reynslu. Nálægðin við fjöllin, náttúruna. Yndislegt fólk, stuttar vegalengdir í vinnu og tómstundir. Fjölbreytt menningarlíf, uppbyggingin sem á sér stað núna, söfnin okkar. Göngin hafa breytt miklu, t.d. Hvað varðar skóla, læknisþjónustu, skreppa í bíó svo fátt eitt sem nefnt. Gangi þér vel Herdís mín, kveðja úr blíðunni á SIGLÓ

Fjöll og skíði, skrifaði Sylgja sem er ein af tengdadætrum Siglufjarðar

Siglufjörður er mér heilagt athvarf og að verða mitt annað heimili :) ♥ skrifaði Halla mín úr Vogunum

Gott fólk, glaðværð, vingjarnleiki, veðursæld, fegurð, menning og há fjöll :) skrifaði Haddú af fenginni reynslu

Frábærar minningar frá æsku og unglings árunum, var farinn í austurbæinn 17 ára skrifaði Einar skólabróðir minn sem flutti til Ólafsfjarðar

Aldrei komið til Siglufjarðar - því miður :/ ... skrifaði Habba sem þarf greinilega að láta þann draum rætast.

Það er ótrúlegt hversu margir sem maður hittir eru frá Siglufirði. Segir mér að þar hafi verið mjög blómlegt um miðja síðustu öld. Siglufjörður er í mínum huga ein af perlum íslenskra landsbyggðarþorpa, með fallegan miðbæ og höfn og ánægjulegt hversu mikið er búið að gera fyrir bæjarmyndina á síðustu árum. Alltaf gaman að koma á Sigló skrifaði Jón Mosfellingur.

Góðar minningar, gott fólk og verður fallegri með hverju árinu sem líður og á eftir að verða einn eftirsóttasti ferðamannabær landsins, skrifaði Axel Axels

Yndislegar minningar frá æskuárunum, alltaf gott veður á Sigló, okkar frábæra skíðasvæði sem á eftir að verða ennþá betra, frábær uppbygging í miðbænum ásamt svo mörgu fleiru jákvæðu. Skrifaði Svana skólasystir frá Vestmannaeyjum

♥ Ég sakna Siglufjarðar sem mest skrifaði Svava vinkona mín frá Kanada sem ég hitti einmitt á Sigló í sumar.

Siglufjörður er paradís, skrifaði Ragnheiður Rögnvalds og gæti ég ekki verið meira sammála.

Sú sem þetta skrifar er fædd á Siglufirði og tel það alltaf sem kost þótt farið hafi verið yfir fjöllin til Ólafsfjarðar nokkrum dögum síðan. Siglufjörður hefur alltaf átt stað í hjarta mér og heimsóknir þangað alltaf mikill viðburður og gleðidagar þegar ég var barn. Fallega torgið, kandíflos sem selt var á torginu á góðum dögum og ís í brauði. Og að sjálfsögðu voru skólafötin keypt þar í þessum fínu verslunum sem þar voru. Mikil þökk fyrir Héðinsfjarðargöngin sem gerir allt miklu auðveldara fyrir okkur sitt hvoru megin við Héðinsfjörð.

Við komum tvisvar til Siglufjarðar í sumar og í bæði skiptin í glöðum hópi fólks, veðrið var eins og best verður á kosið og gaman að sjá hvað bærinn er að breytast í aðlaðandi ferðamannabæ og toppurinn að heimsækja Birnu á hafnarkrána frábæru... skrifaði Úlla Mosfellingur

Fannst eitthvað við staðinn sem minnir á minn heimabæ, Ísafjörð :) ... skrifaði Áslaug og er ég svo sammála, enda líður mér alltaf vel á Ísafirði

Fyrst er að nefna lognið sem er alltaf hér kyrrðin er einstök bærinn fallegur og svona mætti lengi telja, skrifaði Agnes Björns

Fyrir mér er Siglufjörður einn af þessum fallegu bæjum sem alltaf er gaman að koma til og verður alltaf fallegri og fallegri. Gaman að sjá vel heppnaða uppbygginguna í miðbænum, sem smitar um allan bæinn með vel og smekklega uppgerðum húsum. PS. Veit um hús til sölu, ef ykkur langar til að koma ykkur upp öðru heimili þar ;=) .... skrifaði Hilmar

Fyrir okkur sjómenn er skjólið fyrst og fremst. Að koma í norðaustan hvassviðri og byl og sjá Hólshyrnuna rísa fyrir stafni, það er himnaríki skrifaði Stjáni Elíasar

Það er einfalt svar, nafli alheimsins skrifaði Þórður Þórðar.

Fallegt bæjarstæði, síldarminjasafnið með skemmtilegri söfnum sem maður heimsækir og svo eru bátarnir á bensínstöðinni ógeðslega góðir skrifaði Vilborg Halldórs

Það er alltaf góð tilfinning að koma til Siglufjarðar, eitthvað sem ég get ekki útskýrt nánar, skrifaði Imba vinkona mín Húnvetningur

Flottur bær til myndatöku núna þegar haustið er að koma til okkar skrifaði Hrönn Einars frænka mín

Yndislegasti fjörður í heimi sem fóstraði mig :) voru þær Ása Hilmas og Hulda Kobbelt sammal um

Best í heimi ♥  skrifaði Stína Bjarna og er ég viss um að mjög margir eru sammála henni

 

Hvernig eru reglurnar?

Þetta kemur ekki á óvart og mætti segja mér að fleiri komi til með að tala upphátt eins og Duncan þegar kemur til úthlutunar þeirra fjármuna sem evrópulönd greiða í sameiginlega sjóði. Þarna sakar hann Evrópusambandið um að sóa peningum sem eigi að fara til þróunarhjálpar í verkefni sem hafi ekkert með fátækt að gera og tekur sem dæmi styrkveitingu til Íslands, til að örva ferðaþjónustu á Suðurlandi sem dæmi um þetta, en verkefnið kom til í kjölfar goss í Eyjafjallajökli.

Ég hef svo oft heyrt þegar evrópusambandsaðild er nefnd að við munum klárlega fá allt það fjármagn sem við leggjum inn í sambandið til baka í formi styrkja. Hvað þennan styrk varðar, sem ég vissi reyndar ekki af þá tel ég nokkuð ljóst að styrkurinn hefði ekki fengist ef styrkbeiðnin hefði ekki fallið innan þess ramma sem sjóðurinn bauð upp á, eða hvað?  

Finnst óþarfi að styrkja Ísland

Að bæta eigið öryggi vegna jarðskjálfta

Undanfarið hefur verið jarðskjálftahrina út fyrir Norðurlandi. Það er mikilvægt að halda ró sinni en það er einnig mikilvægt að mun að hægt er að gera ýmislegt til að bæta eigið öryggi vegna stórra jarðskjálfta. Þetta er jú þekkt jarðskjálftasvæði og því betra að hafa vaðið fyrir neðan sig.

Á vefsíðu almannavarna má nálgast upplýsingar um ýmsar varnir til að draga úr tjóni og  minnka hættu í jarðskjálftum Einnig má nálgast upplýsingar  um viðbrögð í jarðskjálftum og ýmsar hagnýtar leiðbeiningar.

Með því að skoða hvar á heimili eða vinnustað hættur leynast sem valdið gætu tjóni í jarðskjálfta má gera ráðstafanir sem draga verulega úr tjóni.

Hér eru upplýsingar um:

varnir fyrir jarðskjálfta

viðbrögð við jarðskjálfta

viðbrögð eftir stóra jarðskjálfta

 

Fjórir skjálftar yfir 4 að stærð

Rólur fyrir fatlaða

Eins og svo oft áður þá renndi ég yfir það sem er að gerast í lífi netvina með morgunkaffinu og rakst þá á mynd sem tekin var í almenningsgarði í útlöndum og það sem vanti forvitni mína voru leiktækin, rólur sem hannaðar voru þannig að fólk gat notað þær í hjólastólum og gleði þeirra sem voru að róla.
Mín fyrsta hugsun var þegar ég sá þetta var " af hverju í ósköpunum hefur mér aldrei dottið þetta í hug?" og svo póstaði ég þessu áfram á Facebook og viðbrögðin létu ekki á sér standa.
Sveitarfélög eiga fjölmörg leikssvæði og hef ég aldrei séð svona rólu eða annað sem sérstaklega er ætlað fötluðum. Ef þið vitið af slíkum stöðum hér á landi vinsamlegast látið mig vita því mig dreymir um svona leiktæki í Mosfellsbæ og mun leggja til að við sýnum gott fordæmi og komum upp líku eða slíkum leiktækjum í okkar yndislega fjölskylduvæna bæjarfélagi.