Upphaf kosningabaráttunnar

 

 

 

 

 

Ég hlakka mikið til landsfundarins sem hefst á morgun, 37. landsfundur Sjálfstæðisflokksins og ber hann yfirskriftina   Nýjir tímar - á traustum grunni. Þetta eru skemmtilegar samkomur og hittir maður góða félaga og vini frá öllum landshornum. Ég var búin að taka að mér formennsku í einum starfshópnum, en hætti svo við þegar ég fann að ég var ekki búin að ná mér nægjanlega vel. En vonandi tekst mér nú samt að taka þátt í vinnunni, því á landsfundinum er tækifærið til að koma sínum skoðunum á framfæri og móta stefnu flokksins.

Það er ljóst að landsfundardrög Sjálfstæðisflokksins hafa litað frétta- og bloggheima frá því þau litu dagsins ljós. Það var virkilega áhugvert að sjá fundinn með forystumönnum flokkanna í Kastljósi í vikunni, en þar voru foringjarnir spurðir út í stefnu sinna flokka út frá landsdrögunum Sjálfstæðisflokksins. Það vita samt allir sem setið hafa landsfundina að drögin taka oft töluverðum breytingum á fundinum sjálfum. Það verður svo sannarlega gaman að takast á um málin, enda oft eru skiptar skoðanir og annað óeðlilegt í þessum fjölmenna flokki. En að lokum munum við samþykkja stefnuna og þá hefst kosningabaráttan fyrir alvöru.

Athugasemdir

[Kristján P. Gudmundsson, 11.4.2007 kl. 11:28]

Ég skil vel tilhlökkun þina, því að konan mín, Kristín I. Hallgrímsson, var um árabil (nær við bjuggum í Borgarnesi) fulltrúi á Landsfundi Sjálfstæðisflokksins.Ég fékk stundum að fljóta með reyndar einu sinni sem fullgildur fulltrúi með atkvæðisrétti. Það var bara dálítið gaman að prófa þetta einu sinni.

Með bloggvina kveðju, KPG

[Ágúst Dalkvist, 11.4.2007 kl. 11:40]

..... er grátandi heima núna yfir því að komast ekki

...... en vonandi gefst mér bara tækifæri til þess seinna

[Guðmundur H. Bragason, 11.4.2007 kl. 12:06]

Hefði virkilega viljað geta verið með ykkur Mosfellingum þessa dagana   en á maður ekki að láta fermingarundirbúning og slíkt ganga fyrir pólitíkinni

[Karl Tómasson, 11.4.2007 kl. 12:55]

Jú auðvitað Gummi minn lætur þú fermingarundirbúninginn ganga fyrir.

[Jóhanna Fríða Dalkvist, 11.4.2007 kl. 16:14]

Góða skemmtun bloggvinkona, hlakka til að heyra útkomuna eftir helgina. Ég ætla sjálf að skreppa í vorið í Skotlandi

[Herdís Sigurjónsdóttir, 11.4.2007 kl. 18:45]

Já ég þakka, ég mun skemmta mér vel og þið verðið bara að koma með mér í anda og þá sérstaklega þú Kalli minn , ég er að hugsa um að fara í umhverfishópinn ..... og það verður svo sannarlega gaman að byrja baráttuna eftir landsfundinn

[Kristján P. Gudmundsson, 12.4.2007 kl. 09:05]

Já, þú ætlar í umhverfishópinn. Mér líst vel á það, því að þar þarf að hafa gott fólk, sem er með góða jarðtengingu en jafnframt víðsýnt. Gangi þer vel og góða skemmtun.

Með bloggvinar kveðju, KPG.