Sveitaferð Huldubergs

Við Sædís Erla fórum í sveitaferð að Grjóteyri með leikskólanum hennar í dag. Það er alltaf frábær þátttaka og fjöldinn allur af rútum sem fóru með glaða krakka, foreldra og starfsfólk. Þetta eru alveg frábærar ferðir og örugglega mikil skipulagning að baki og tókst þessi alveg jafnvel og ferðin í fyrra. Allir sem vildu fengu að sjá dýrin og leika sér og þótti Sædísi Erlu laaaaaaaang skemmtilegast að gefa beljunum og keyra traktorinn og jú svo var voða gott að fá pylsuna líka. Ferðin endaði svo á grjótkasti við Meðalfellsvatn og við heimferð fengu allir sveitalitabók.

Í þessum ferðum gefst börnunum kostur á að sjá dýrin í sveitinni og er gaman að upplifa gleðina með börnunum. Sædís Erla er mikil sveitakona og er sönn "I love it" typa og elskar að vasast í dýrunum og vaða drulluna. Hér eru nokkrar sveitamyndir og var súrt að pabbi komst ekki með okkur, en hann varð að vinna núna, en kemur bara með okkur næst.

Athugasemdir

[Vilborg Traustadóttir, 3.5.2007 kl. 22:13]

Skemmtilegt.

[Ágúst Dalkvist, 3.5.2007 kl. 23:27]

Alltaf gott að vera í sveitinni

[Ásdís Sigurðardóttir, 3.5.2007 kl. 23:54]

Sveitin er það besta sem við eigum. Héðan er annars bara allt gott að frétta. Kosningastemmingin góð og allir jafna kátir. Kveðja

[Herdís Sigurjónsdóttir, 4.5.2007 kl. 07:51]

já sammála því alltaf gaman í sveitinni.

Ágúst, hún Sædís Erla er mjög efnileg sveitakona og hver veit nema hún flytji í sveitina einn daginn  ... en mamma hennar yrði ekki til mikils gagns komin með ofnæmi fyrir flestum dýrum  og grasi,,, en kannski verður ofnæmiskerfið orðið gamalt og hætt að virka þegar Sædís Erla flytur í sveitina og þá get ég flutt með .