Er DV í boði Samfylkingarinnar?

Ég spurði manninn minn við morgunverðarborðið hvort það gæti verið að Samfylkingin hefði keypt þessa frídreifingu á DV í dag. Svo þegar ég fór á fund áðan var mér sagt að þarna væri komin dagblaðsútgáfan af myndbandi ungra jafnaðarmanna.

Svo var eitt sem ég tók eftir í þessu blaði sem ég annars aldrei sé. Þarna voru tvær opnur helgaðar stjórnmálaleiðtogum. Geir H. Haarde- sem er óumdeildur foringi, Jón Sigurðsson- sem gleymir sér í kennarahlutverkinu, Steingrímur J. - sem er enn samkvæmur sjálfum sér, Ingibjörg Sólrún- sem enn er efnileg og spáð frama, Össur- sem engum leiðist með, Þorgerður Katrín- sem enn á eftir að koma á óvart, Ögmundur- sem hlustar ekki eftir vindinum, Guðni Ágústsson-sem er síðasti sveitamaðurinn, Guðjón Arnar- sem er hinn trausti alþýðumaður....en bíðið við hvar er viðtalið við Ómar og Margéti?

En getur þetta verið tilfellið með kosningablað DV og Samfylkinguna, maður spyr sig?

 

Athugasemdir

[Sveinn Arnarsson, 9.5.2007 kl. 12:34]

Jahá, hvar sérðu tengingu milli Samfylkingarinnar og DV? mér er spurn.

Svo þætti mér sniðugt ef þú myndir lesa leiðara Moggans í dag ;)

[Andrea, 9.5.2007 kl. 22:09]

Já, ég byrjaði á að lesa blaðið, síðan fletti ég í gegnum rest, lokaði og henti.

Framan á stóð að mig minnir að þetta væri uppgjör flokkanna, en ég sá ekki annað en að það væri níðst á sjálfstæðisflokknum hægri vinstri, en ekki komið með neina gagnrýni á hina flokkana. Reyndar var fjallað um hina ýmsu formenn, en hvar voru greinar sem gagnrýndu þá? Kosningaloforð sem aldrei verða að veruleika, hverjar stefnur þeirra eru, því við erum orðin þreytt á að heyra hverjar þær eru ekki.

[Ásdís Sigurðardóttir, 9.5.2007 kl. 22:58]

Þetta er skítasnepill. Ég fékk tilboð í morgun frá DV um áskrift í tvo mán. með 50% afsl. ætlaði að slá til en var svo að fletta þessu blaði sem kom í morgun og ég bara henti því og kem ekki nálægt svona blaði aftur fuss og svei.  Annars kær kveðja. 

[Vilborg Traustadóttir, 10.5.2007 kl. 00:15]

Furðuleg lesning.  Varð líka hissa að Ómar og hans fólk var hvergi með í blaðinu.