Nýjasti þingmaðurinn Ragnheiður Ríkharðsdóttir

Já það má segja að ég hafi aldrei upplifað aðra eins spennu og þessa kosninganótt. nýjasti þingmaður landsins sem komst inn á atvæðum frá NV kjördæmi er Ragnheiður Ríkharðsdóttir vinkona mín og bæjarstjóri í Mosfellsbæ. Hér í okkar kjördæmi náðum við okkar takmarki sem var að ná inn sex þingmönnum og yfir 42% atkvæðamagn og náðum við 42.64%. Alls verða 24 nýir þingmenn á Alþingi eftir kosningar og þar af 4 Sjálfstæðismenn úr mínu kjördæmi.

Það voru miklar sviptingar í nótt og fólk og margir þingmenn í stutta stund. Ég sá viðtal við Samúel Örn sem var þingmaður í eina og hálfa klukkustund og vildi leggja fram frumvarp um breytingu á tímasetningu kosninganna og láta kjósa rétt fyrir 17. júní. Róbert Marshall var inni lengst af, en þegar hann datt út þá fór allt á hreyfingu. Kristinn H. Gunnarsson, Sleggjan eins og þau á Stöð 2 kölluðu hann er kominn inn á þing, fyrir þriðja flokkinn sem er nýtt íslandsmet.

Framsókn tapaði stórt í þessum kosningum og misstu þeir 5 af 12 þingmönnum og komust þar af tveir ráðherrar ekki inn á þing, þau Jón Sigurðsson formaður flokksins og Jónína Bjartmarz. Siv Friðleifs heilbrigðisráðherra var úti lengi vel, en þegar ég vaknaði í morgun var Framsókn í kraganum svo komin inn með tvo þingmenn, en Samúel Örn datt svo út aftur á lokametrunum.

Á kosningavöku okkar Sjálfstæðismanna í Hlégarði sagði Ragnheiður Ríkharðsdóttir nú nýkjörinn þingmaður okkar Íslendinga að hún lofaði spennandi kosninganótt. Þetta yrði rússíbani til ca. kl. 7 og þá kæmist hún inn. Já hún reyndist sannspá, en klikkaði bara örlítið á tímanum sem skapaðist af því að þeir í NV kjördæmi lentu í einhverjum vandræðum með utankjörfundaratkvæðin. Hún var eldspræk þegar ég heyrði í henni áðan, enda takmarkinu náð og þá eru keppnismenn eins og Ragnheiður glaðir.

Þetta er stórsigur fyrir okkur Sjálfstæðismenn, að ná svona árangri eftir öll þessi ár í ríkisstjórn og heldur Geir Hilmar Haarde forsætisráðherra umboði þjóðarinnar. Stjórnin hefur 32 þingmenn af 63 en á bak við þá eru 48,4% atkvæða. Geir H. Haarde, formaður Sjálfstæðisflokksins, sagði í nótt, að í dag myndi hann ræða við formann Framsóknarflokksins, en fljótlega mun koma í ljós hvernig ríkisstjórnin verður skipuð, en þjóðin er sammála um að þessi trausti grunnur skiptir máli og horfi ég með bjartsýni til framtíðar. 

Ríkisstjórnin hélt velli og græt ég það ekki að kaffið er orðið kalt í kaffiboði kaffibandalagsins.

 

  

24 nýir þingmenn

Athugasemdir

[Ingólfur H Þorleifsson, 13.5.2007 kl. 10:45]

Góðan daginn Herdís.

Já hann er svo sannarlega góður. Frábær sigur hjá Sjálfstæðismönnum og gaman hjá okkur hér fyrir vestan að geta hjálpað til við að koma Ragnheiði inn. Framtíðin er svo sannarlega björt.

[Herdís Sigurjónsdóttir, 13.5.2007 kl. 10:48]

Já takk fyrir hjálpina...ég hjálpaði ykkur líka heilmikið  ... þarna sannast að það borgar sig að snúa bökum saman.

[Vilborg Traustadóttir, 13.5.2007 kl. 12:00]

Já Herdís.  Frábært að fá Ragnheiði Ríkharðs á þingið.  Það er búið að vera gaman að fylgjast með málefnalegri kosningabaráttu "okkar manna" víðs vegar um land.  Pabbi var mjög hugsi eftir að hafa hitt bæði Birgi Ármannsson og Guðlaug Þór hér á okkar kosningaskrifstofu.  Fannst Birgir einstaklega "prúður maður" eins og hann orðaði það.  Gaman að fylgjast með síðunni þinni líka. Til hamingju Ísland.  Ég gleðst ekki yfir óförum annarra Emil.  Það hittir mann sjálfan fyrir ef maður gerir það.

[Gunnlaugur B Ólafsson, 13.5.2007 kl. 12:06]

Hæ, Herdís. Til lukku með árangurinn. Rauðvín og rós bítur betri tíma. Þetta er allt afstætt hver er verðugur að leiða næstu ríkisstjórn. 36% á Sjálfstæðisflokk er líka undir sögulegu meðaltali, þó rétt hafi verið úr kútnum eftir verulegt fylgistap í síðustu kosningum.

Hef fulla trú á að R-lista flokkar muni hefja umræðu í átt að samstarfi. Guðni Ágústsson varaformaður Framsóknar hefur sagt að hann telji að Framsókn eigi helst samleið með Samfylkingu. Hef fulla trú á að Siv Friðleifsdóttir og Bjarni Harðarson hugsi á svipuðum nótum. Síðan er það augljóst á þessari kosningabaráttu að mun sterkari vilji til samstarfs á milli VG og Samfylkingar en var í síðustu kosningum.

Það er bara hálfleikur núna og mest spennandi er að sjá framvindu næstu daga. Þar vona ég að stjórnarmynstur sem eflir lýðræðisvitund í landinu (sbr. viðtal v. Kolbrúnu Halldórsdóttur) muni verða sterkari en leið ofríkis. En þetta er bara mín skoðun.

                           Með kærri kveðju,

[Herdís Sigurjónsdóttir, 13.5.2007 kl. 12:24]

Sæll Emil, ekki féll ríkisstjórnin í nótt .

Vilborg, það er nefnilega máli þetta með að hitta fólk í eigin persónu. Þeir félagar Birgir og Guðlaugur Þór eru klárlega báðir eðal og eru margir slíkir að stíga sín fyrstu skref sem þingmenn á næstunni.

Já rétt Gunnlaugur rauðvín og rósir bíða og get ég ekki verið svekkt yfir árangri Sjálfstæðsmanna, þetta er næstmesti þingmannafjöldi flokksins frá upphafi og gleðjast Sjálfstæðismenn um allt land.

Já R-listinn...hvernig endaði það aftur .. það hefur verið sérkennilegt að fylgjast með R-lista tali í kosningabaráttunni. Allt sem illa gekk í samstarfinu var að sögn VG og Samfylkingarinnar Framsókn að kenna, það á kannski að halda því áfram.

Spennandi tímar framundan og Ragnheiður komin á þing .