Skyndihjálp bjargar mannslífum

Enn og aftur sjáum við hvernig rétt viðbrögð bjarga mannslífi. Lífgunartilraunir skiluðu árangri og vonar maður að þessi fyrstu viðbrögð stubbsins gefi góðar vonir um að hann nái sér að fullu. Það er rétt að svona slys gerast á augabragði og gerðist slíkt atvik einnig í Lágafellslauginni í Mosfellsbæ um daginn. Þá var það ungur starfsmaður sundlaugarinnar sem blés líf í ungan dreng sem líkt og þessi var á botni svokallaðrar lendingarlaugar sem er við rennibrautirnar. Sá starfsmaður var ný búinn að fara á námskeið fyrir starfsmenn sundlauga og kunni upp á hár réttu viðbrögðin og bjargaði með því lífi barnsins.

Ég hvet alla sem eru farnir að ryðga í skyndihjálpinni eða hafa aldrei farið á námskeið að gera slíkt hið fyrsta.  Hér getur þú kannað skyndihjáparþekkingu þína.


Rauði krossinn hefur þjálfað fólk í skyndihjálp í um 80 ár og býður félagið upp á  vönduð og hagnýt námskeið í skyndihjálp sem sniðin eru að þörfum hópa, s.s. almennings, fagaðila og fyrirtækjastarfsmanna, bæði hvað varðar lengd og efnistök. Á námskeiðunum er lögð áhersla á að kenna rétt viðbrögð í neyð og einfaldar aðferðir skyndihjálpar.

Sex ára dreng bjargað frá drukknun í Sundlaug Akureyrar

Athugasemdir

[Ásdís Sigurðardóttir, 25.6.2007 kl. 23:21]

Við hjónin höfum verið að tala um að drífa okkur og hressa upp á kunnáttuna, mér hættir nefnilega til að fá barkakrampa ef ég er of þreytt, þannig að Bjarni þarf að vera við öllu búinn. Vinur okkar einn hér er mikið lærður á þessu sviði og hefur aðeins sagt okkur til, en mig langar á námskeið. Yndislegt þegar svona kunnátta hjálpar, eins og litla drengnum í kvöld.

[Herdís Sigurjónsdóttir, 25.6.2007 kl. 23:29]

Gæti ekki verið meira sammála. Taktu prófið .

Já skyndihjálparmaður ársins 2006 var 8 ára drengur sem bjargaði lífi móður sinnar í júní í fyrra þegar hún hneig niður á heimili þeirra og missti meðvitund vegna bráðaofnæmis. Egill Vagn brást skjótt við og sótti adrenalínpenna í veski móður sinnar og sprautaði hana í handlegginn en hringdi síðan í neyðarlínuna 112 eftir hjálp. Hann fór svo eftir fyrirmælum neyðarvarðar þar til sjúkrabíll kom á staðinn. Rosalega duglegur strákur.

[Karl Tómasson, 26.6.2007 kl. 20:39]

Góð og holl lesning mín kæra.

Bestu kveðjur frá Kalla Tomm.