Engir langferðabílar á Ströndunum

Ég var í Djúpuvík í síðustu viku og kom til okkar ungt erlent par sem var á ferðalagi um Ísland. Þau voru að óska eftir fari til Hólmavíkur, en höfðu þau verið á ferðalagi um strandirnar í nokkra daga og ferðast með bátum milli staða. Þau voru alveg hissa á því að enn væru til svæði sem ekki væri hægt að hoppa upp í rútu til að koma sér milli staða og sögðust í raun ekki hafa áttað sig á þessu. Þau voru jafnframt hamingjusöm yfir því að hafa upplifað slíka náttúrufegurð sem þarna var og töldu sig trúlega aldrei upplifa neitt þessu líkt.

Ég er algjörlega sammála því að hægt er að fjölga gullnum hringjum á Íslandi, enda fullt af fallegum stöðum sem hægt er að skoða. Í hvert sinn sem maður fer um landið eins og við fjölskyldan höfum verið að gera þetta sumarið þá sér maður eitthvað nýtt og enn eru fjölmargir staðir við eigum eftir að skoða. Grátlegt er að ég Siglfirðingurinn á t.d. enn eftir að fara út í Málmey og Drangey og eins að ganga yfir í Héðinsfjörð frá Siglufirði, sem ég skal ná að gera áður en göngin koma.

Sigurmundur Einarsson og Unnur Ólafsdóttir reka ferðaþjónustuna Viking Tours

Athugasemdir

[Ásdís Sigurðardóttir, 22.7.2007 kl. 13:45]

Sem betur fer eigum við enn svona ósnortna staði og tel ég okkur rík af því, en ég er sammála að það væri yndælt að geta ferðast með rútu fyrir vestan, kannski ég drifi mig þá loksins. 

[Herdís Sigurjónsdóttir, 22.7.2007 kl. 19:20]

Já það er dásamlegt að eiga svona ósnortna staði eins og Strandirnar og skal ég líka ná að ganga þar fyrir fimmtugt ..... bakið leyfir það ekki í dag, en ég er að hætta að vinna hjá Rauða krossinum í september og ætla þá að vinna meira í fyrirtækinu Herdísi og hver veit nema ég verði orðin spræk og göngufær næsta sumar ..