Myndir myndir og aftur myndir

Ég hef einfaldlega mjög gaman að því að taka myndir og er venjulega alltaf með myndavél við höndina. Strandamyndirnar mínar eru loksins komnar í albúm inn á 123.is síðuna og skar ég þær verulega niður, en samt endaði ég með að setja inn 188 myndir  og þarf því góðan tíma og vilja til að skoða þær allar.

Ég á mörg þúsund myndir í tölvunni minni og á diskum. Það slæma við stafrænu myndirnar er það að maður framkallar ekki myndirnar og þarf alltaf tölvu til að skoða. En það er svo sem ekki alslæmt því ég á nokkra kassa af myndum sem ég tók fyrir digitaltímann og á eftir að setja í albúm og var alltaf að bíða eftir því að ég hefði tíma til að setja þær inn í myndaalbúm, sem enn hefur ekki gefist , þannig að tölvualbúmin eru líklega bara ágæt. Það er líka plús að ef meður notar netalbúmin, geta vinir og vandamenn, sem og aðrir sem hafa áhuga á skoðað myndirnar.

Ég hef líka gaman að því að skoða myndir sem aðrir taka og damlega sé ég ýmsar myndir hjá bloggvinum og eins fer ég oft inn á myndaalbúmin hjá Gumma félaga mínum Fylkis sem er í friðargæslu í Bosníu og eins skoða ég albúmin hjá Jóni Svavars ljósmyndara. Ég var einmitt að skoða myndaalbúm hjá Gumma í morgun sem sitja verulega í mér, en hann tók þær í minningar og grafreit í Srebrenica. Hann skrifaði við myndirnar að þetta árið hafi tæplega 500 líkamsleifar verið jarðsettar og að það væri Íslendingur sem ynni við að bera kennsl á þær, hún Eva Kowalski.

Athugasemdir

[Vilborg Traustadóttir, 24.7.2007 kl. 00:38]

Flott Herdís.  Skoðaði myndirnar í gærkvöldi en kommenteraði ekki þar sem ég var "útkeyrð" eftir keyrsluna norður til Akureyrar.  Þetta var mjög gaman fyrir vestan..........Æðislegt að keyra niður í Kjörvogsfjöruna á Rauð.....Alltaf gaman að fara einu skrefi lengra en maður þorir........

[Ásdís Sigurðardóttir, 24.7.2007 kl. 13:18]

Flottar myndir hjá þér skvísa. Aldeilis verið fín ferð.  Njóttu vikunnar og við tölumst.