Aftureldingarstelpurnar í úrvalsdeild kvenna

Aftureldingarstelpurnar okkar hafa staðið sig vel í knattspyrnunni í sumar og hafa þær þegar tryggt sér sæti í úrvalsdeild kvenna á næsta ári. Það gerðu þær á miðvikudaginn þegar þær lögðu Völsung á Húsavík.

Úrslitaleikurinn er þó eftir og baráttan um fyrsta sætið í deildinni og fer hann fram næstkomandi sunnudag á Varmárvelli. Leikurinn er á milli Aftureldingar og HK/Víkings. Um stórleik verður að ræða og eru allir Mosfellingar hvattir til að mæta og ætla ég sko sannarlega að vera þar með allt mitt lið og hvetja stelpurnar til dáða.

Til hamingju stelpur og allir Mosfellingar.

Áfram Afturelding!

Hér má sjá ferðasögu sumarsins í myndum og máli, sem Tryggvi Þorsteinsson meðstjórnandi meistaraflokksráðs kvenna og ofurstuðningsmaður tók saman.

Athugasemdir

[Ásdís Sigurðardóttir, 7.9.2007 kl. 14:56]

Ég verð nú að óska stelpunum til hamingju með góðan árangur. Völsungar eru nú mitt æskulið en ég er alveg hætt að fylgjast með þeim. Börnin sem eru núna í t.d. 5 flokki eru afnvel ömmu og afa börn jafnaldra minn :):)  Stelpan okkar sem er 25 ára er að spila með Víkingum + eitthvað annað lið, kenn ekki á þessar blöndur, þær eru að fara upp í meistaradeild. Bjarni fór og horfði á stelpuna sína á miðv. og svo er síðast leikur á laugard.eða sunnud. og hann ætlar að fara og sjá þann leik.

[Herdís Sigurjónsdóttir, 7.9.2007 kl. 16:00]

Það er einmitt Afturelding móti HK/Víkingi.  Þá sjáumst við Bjarni á vellinum á sunnudaginn