Samábyrgð æfð í Skógarhlíðinni

 Ég gat nú ekki annað en brosað þegar ég áttaði mig á því að dagur var að kvöldi kominn áður en ég áttaði mig á að þetta var Æfingardagurinn, dagurinn sem æfa átti viðbrögð vegna heimsfaraldurs Inflúensu. Ég sá nefnilega frétt á mbl þar sem fjallað var um æfinguna og þessa fínu mynd af Rögnvaldi, Jóni Bjartmarz og Haraldi sóttvarnalækni. Máið er að ég var nefnilega búin að vinna að áætlunargerð með félögum mínum hjá almannavarnadeildinni og fleirum mánuðum saman þegar ég vann hjá Rauða krossinum og því merkilegt að maður hafi ekki verið betur áttaður en raun bar vitni.

Það er ótrúlega raunverulegt að taka þátt í svona æfingu og ég tala nú ekki um þegar spiluðu eru fréttaskot og heimasíðu haldið úti um atburðinn sem á að vera í gangi.  Þetta er mikið átaksverkefni og eru ótrúlega margir sem verða að spila saman í bakskipulaginu til að láta hlutina rúlla, svo ekki sé talað um alla viðbragðsaðilana sem eru að æfa sín verkefni og samvinnu við samstarfsaðila. Það hefur vonandi ýmislegt komið í ljós í þessari stjórnstöðvaræfingu sem hægt er að bæta úr, annars væri æfingin alveg handónýt og held ég bara að ég verði að kíkja í kaffi í Skógarhlíðina við tækifæri til að fá skýrslu.

Til hamingju með æfinguna Víðir og Co.

Vel heppnaðri æfingu lokið

Athugasemdir

[Marinó Már Marinósson, 10.12.2007 kl. 20:03]

Já Herdís mín,  þú mátt nú vera stolt af þínum þætti í þessu verkefni.  Mikill vinna og undirbúningur til að svona gangi upp.  Þau voru bara að smakka nýbakaða köku í dag. 

[Ásdís Sigurðardóttir, 11.12.2007 kl. 18:17]

  Gaman að þetta skildi ganga svona vel. TIl lukku með það.

[Einar Bragi Bragason., 12.12.2007 kl. 01:11]

http://erla1001.blog.is/blog/erla1001/entry/388660/

skoðið USA í stuði