Grænir fingur

Jæja þá get ég loksins sagt að vorið sé komið. Ég fór nefnilega á námskeið í matjurtaræktun, því mig hefur lengi langað til að læra lífræna ræktun og öll trixin við sníkudýrum og þess háttar. Ég er nefnilega með stórt beð sem ég ætla fyrir matjurtir. Þar hafa verið undanfarin ár jarðaber, graslaukur og hjálmlauk og nokkrar kartöflur, en nú verður það troðfullt af dýrindis grænmeti. Námskeiðið sem ég fór á var á Dalsá í Mosfellsdalnum, hjá henni Jóhönnu Magg.

Veðrið var yndislegt, svona fyrsti alvöru vordagurinn að mínu mati og fuglarnir voru í essinu sínu og kepptust við að syngja sem hæst og nágrannakötturinn mættur til að kanna fuglalífið. En við stelpurnar fengum fyrst stuttan fyrirlestur og svo var farið í moldina. Við prikluðum og sáðum og nutum hverrar mínútu. Ég kom heim með bakka fullan af litlum grænum plöntum sem verða stórar og umbreytast í fallegt skrautkál, kamillu og púrru svo eitthvað sé nefnt. Næsta vers er að  smíða hjálma yfir beðið stóra, tengja vatnsslöngu og gera fleiri beð í matjurtareitnum mínum. En það gerist ekki fyrr en eftir 5. maí. Þegar ég eignast líf aftur.

ÉG fékk sönnun fyrir því að vegavernd er í alvöru til, því það punkteraði hjá einni og fékk hún mann til að skipta um dekk.

Ég mátti til með að setja þessar grænu myndir inn þó ekki væri nema til að sanna það fyrir henni mömmu minni að ég hefði í alvöru farið á matjurtaræktunarnámskeið.

 

Athugasemdir

[Ásdís Sigurðardóttir, 21.4.2008 kl. 13:43]

Já, vorið kom í gær.  Við fórum að leiði mömmu sem er í Kópavogs kirkjugarði og settum blóm og fleira.  Þar er nú hreinlegt um að litast, en svo fórum við í Gufunes kirkjugarð þar sem tengdaforeldrar mínir hvíla, þar er allt í drasli og skelfilegt um að lítast, fjúkandi plastblóm, kerta dallar ofl. því í ósköpunum finnst fólki ekki jafn mikilvægt að taka til eftir sig eins og að koma með blóm og kerti.  Hafðu það gott mín kæra og gangi þér vel í ræktinni