Með sól í hjarta

Það er ekki spurning að lundin er léttari á landanum þegar veðrið er gott eins og verið hefur undanfarið. Veðrið skiptir okkur Íslendinga einfaldlega miklu máli og þegar svo langur góðviðriskafli hefur verið eins og nú liggur við að maður haldi að maður sé í útlöndum og fari ósjálfrátt að tala ensku. Fólk talar meira saman og ávarpar frekar ókunnuga. Til að mynda fór ég í lyftu í dag og var samferða eldri manni sem brosti út í eitt og fór að tala um góða veðrið. Reyndar hef ég varla hitt nokkur mann í dag án þess að sá hinn sami hafi ekki rætt veðurblíðuna og að þessum góða kafla fari nú senn að ljúka.

það er þó ljóst að framundan er rigning, sem er svo gott fyrir gróðurinn er það ekki? ...

Þurrum góðviðriskafla að ljúka - skin og skúrir um helgina

Athugasemdir

[Vilborg Traustadóttir, 4.7.2007 kl. 21:30]

Það var gaman að reyta arfa í dag og verður gaman að klára verkið á morgun.  Erum með matjurtir í skólagörðunum.  Sofa svo á svölunum að loknu erfiðu dagsverki!!!!

[Herdís Sigurjónsdóttir, 4.7.2007 kl. 22:04]

OHHHH það verður líka gott hjá okkur á Ströndunum í næstu viku

[Vilborg Traustadóttir, 4.7.2007 kl. 22:50]

Já hlakka ekkert smá til.  Búin að panta sól þar!!!!!

[Ásdís Sigurðardóttir, 5.7.2007 kl. 00:09]

Já, maður getur alltaf huggað sig með því að gróðurinn þarf bleytu.  Góða ferð á Strandirnar. Verðurðu lengi þar ??

[Herdís Sigurjónsdóttir, 5.7.2007 kl. 06:50]

Við ætlum að vera á Ströndunum í nokkra daga. Mamma og pabbi eiga gullbrúðkaupsafmæli þann 13. júlí og ætlum við systurnar og Vilborg Trausta og fjölskyldur að fagna með þeim .