Kvenhylli Steingríms J.

Ég ætlaði að fara að lesa fyrir próf í stjórnsýslurétti, en var eiginlega meira með hugann við ferðina á Siglufjörð og fréttir páskahelgarinnar og ákvað ég því að skrifa eina örstutta bloggfærslu.

Það er merkilegt hvað skoðanakönnunin um vinsældir stjórnmálaforingja hefur litað bloggheima og fréttir helgarinnar. Samfylkingin keppist við að segja að Sjálfstæðismenn mistúlki niðurstöður, ekki sé rétt að ISG sé ekki vinsæll leiðtogi, en annað sýnir niðurstaðan. Svo er það Geir H. Haarde sem nýtur mestra vinsælda, en ég þurfti nú svo sem ekki Gallup til að segja mér það. Það er bara eitt í þessari könnun sem ég næ ekki, en það er með Steingrím J. og kvenhyllina. Hvað er þetta með hann og konur, hefur þetta kannski bara eitthvað með VG að gera, getur einhver frætt mig um það?

Athugasemdir

[Karl Tómasson, 9.4.2007 kl. 23:06]

Hæ Herdís ég setti óvart athugasemdina um þetta með kvenhylli Steingríms J við hákarlasöguna fínu. Varst þú ekki fyrst með Steingrím J með hákörlunum í dag? Ég er ekkert hissa á því. Besta komplímennt sem ég hef fengið frá konu minni er þegar hún sagði eitt sinn við mig. Það er fullt af fiskum í sjónum en fáir hákarlar. Ég veit reyndar ekki nema að hún hafi líka pínu verið að stríða mér vegna fóbíunnar.

[Herdís Sigurjónsdóttir, 10.4.2007 kl. 09:05]

Ég var með þetta saman, en ákvað svo að slíta þetta í sundur til að hafa tækifæri til að auglýsa eftir höfundi sögunnar á Siglósíðunni.

Já þú segir nokkuð með hákarlana, heldur þú þá að Steingrímur éti VG torfuna sína á lokasprettinum ?