Til hamingju Afturelding

Bjarki Sigurðsson hefur staðið sig vel sem þjálfari Aftureldingar og var gaman að sjá hann með strákunum sínum í gær. Það var sérstaklega gaman því hann var erlendis þegar þeim hömpuðu 1. deildar bikarnum sem þeir unnu örugglega. Það var gaman á hófi sem haldið var fyrir strákana í Harðarbóli og góð stemming í liðinu sem er skipað að megninu til ungum Mosfellingum.

Það var líka gaman að sjá að elsti strákur Bjarka er kominn í liðið og verður fróðlegt að fylgjast með því hvort hann fetar í fótspor gamla á vellinum. Það verður gaman að fylgjast með liðinu í meistaradeildinni og munu Mosfellingar örugglega styðja vel við liðið sitt, sem mun halda upp á 100 ára afmælið að tveimur árum liðnum.

Áfram Afturelding !

Bjarki og Gintaras áfram

Athugasemdir

[Jóhanna Fríða Dalkvist, 21.4.2007 kl. 09:17]

Já það var gaman að sjá í vetur að feðgar spiluðu saman einn leik, strákurinn er bráðefnilegur enda með kyn til

Annars er sjálfsagt erfitt að vera í sömu íþrótt og pabbi þegar allir ætlast til að hann verði jafn góður eða betri, en sumir vinna líka best undir pressu. Allt hefur sína kosti og galla. Virðist allavega hafa virkað vel á Eið Smára

[Herdís Sigurjónsdóttir, 21.4.2007 kl. 15:59]

Já svo sannarlega á hann líka. Hann er flottur núna og með þeim efnilegustu og trúi ég því að hann eigi eftir að ná mjög langt í framtíðinni.