Til hamingju Ragnheiður

Ragnheiður Ríkharðsdóttir bæjarstjóri í Mosfellsbæ er nýjasti þingmaðurinn eins og ég bloggaði um í sigurvímu í morgun. Hún kom inn í lokatölum frá NV kjördæmi eftir "inn og út um gluggann" kosninganæturinnar eins og hún sagði sjálf þegar ég hitti hana á Aftureldingarleiknum í dag.

Kannanir sýndu fyrir kosningar að raunhæfur möguleiki væri á að Ragnheiður sjötta á lista Sjálfstæðisflokksins í Kraganum gæti náð kjöri. Það var líka ljóst ef hún næði ekki inn þá yrði enginn þingmaður úr Mosfellsbæ. En hún náði kjöri og erum við Mosfellingar afskaplega stolt af nýja þingmanninum okkar.  

Hún Ragnheiður er vel kynnt af störfum sínum bæði sem bæjarstjóri og eins sem kennari og skólastjóri í yfir 20 ár. Hún hefur verið oddviti okkar sjálfstæðismanna í Mosfellsbæ og bæjarstjóri frá 2002. Það eru vissulega blendnar tilfinningar hjá mér þegar ég hugsa til þess að hún hætti sem bæjarstjóri í Mosfellsbæ, en á hinn bóginn veit ég líka hvað það skiptir miklu máli fyrir okkur að hafa fulltrúa á alþingi sem hefur jafn víðtæka reynslu og þekkingu á málefnum sveitarstjórna og hún hefur og ekki síst málefnum sveitarfélaga á höfuðborgarsvæðinu. 

Það verður svo sannarlega skrítið að hitta hana á árlegu þingmannafundum í Hlégarði, þar sem hún verður nú í nýju hlutverki og þarf ekki lengur að messa yfir þingmönnum Kragans um öll þau málefni sem við viljum fá úrbætur á í Mosfellsbænum sem eru á hendi ríkisins. En ég treysti því að hún geti með auðveldum hætti sett sig inn í okkar mál .

Þingflokki Sjálfstæðisflokksins hefur bæst góður liðsauki með Ragnheiði Ríkharðsdóttur og veit ég að hún á eftir að vinna af krafti fyrir alþjóð á Alþingi okkar Íslendinga næstu árin.

 

 

Ragnheiður: Spennandi kjörtímabil framundan

Athugasemdir

[Ásdís Sigurðardóttir, 14.5.2007 kl. 20:54]

Ragnheiður er frábær, dóttir min kenndi einu sinni hjá henni og líkaði vel. Til lukku með þitt fólk, hér eru menn aðeins að skripla milli sæta   en verður ekki að breyta þessum reglum um inn/inn  út/út fyrir næstu kosningar, maður fær bara hjartaáfall af spenningi.    segi svo bara eins og Emil, tekur þú ekki við bæjarstjórasætinu (veit að það er kominn annar)  kær kveðja

[Herdís Sigurjónsdóttir, 15.5.2007 kl. 07:07]

Ég þakka traustið elskurnar . Það var ljóst í upphafi þessa kjörtímabils að Haraldur tæki við, en Ragnheiður ætlaði ekki að vera bæjarstjóri út allt kjörtímabilið.

Kveðja héðan úr sólinni í Mosfellsbænum

[Herdís Sigurjónsdóttir, 15.5.2007 kl. 22:45]

já Hjördís mín greinilega grunnt á sjallann í þér .. þið Elli hljótið að hafa talað ótrúlega mikið...þegar hann fór um morgunninn var hann vel talandi en svo þegar ég hitti hann aftur á kosningavökunni kom hann ekki upp hljóði ...held að hann hafi hugsanlega smitast af einhverri kosningapest.

Emil minn þú vilt ekki brugga Haraldi launráð og ég vil það ekki heldur. Hann verður flottur bæjarstjóri.