Rigning rigning rigning

	Í dag	Á morgun	Mánud.
K.höfn	17°/11°	16°/11°	18°/12°
Akureyri	2°/0°	4°/0°	10°/2°
Reykjavík	7°/1°	7°/3°	8°/5°
New York	28°/23°	26°/23°	27°/23°
Egilsst.	4°/1°	5°/1°	7°/1°
London	15°/12°	12°/9°	9°/7°

Ég hef oft sagt frá því að veðrið er sérstakt áhugamál hjá mér. Við hjónin ákváðum að skella okkur til kóngsins könben í frí og ákvað ég að skoða ekki veðurspá áður en við færum. En það rigndi í gær þegar við komum og líka í dag og því ákvað ég að skoða framtíðarspána á mbl. Veðurspáin hljóðar upp á rigningu, rigningu og svo rigningu. En karlinn fer svo heim á þriðjudaginn, en ég verð á neyðarvarnafundi fram að helgi og er ég full bjartsýni um að sólin muni eitthvað sýna sig. 

Þetta breytir í sjálfu sér ekki miklu fyrir okkur, nema kannski því að maður nennir ekki að fara í Tívolíið í rigningu. Við fórum til að mynda út að borða í dag, sannir Íslendingar og sátum undir regnhlíf með teppi eins og reykingarfólkið. Við fórum líka á Strikið og sáum Kaupmannahafnar karnivalið. Það var gaman að sjá en samt ekki eins mikið í þessi atriði lagt og áGay pride í Reykjavík, en þarna var mikið af dansatriðum. Það voru greinilega margir dansskólar sem tóku þátt og fullt af glöðum dönsurum sem sýndu margir hverjir góða takta. Þarna sáust fjölmargar konur í efnislitlum búningum í kuldanum og liggja þær líklega núna undir sæng með rautt nef, í ullarsokkum með fjallakakó.

         

         

        

Athugasemdir

[Ásdís Sigurðardóttir, 26.5.2007 kl. 20:22]

ú la la, stuð í köben. Ég á einn son sem býr þar.  Skemmtið ykkur vel. Kær kveðja pá Strikið

[Guðmundur H. Bragason, 26.5.2007 kl. 23:44]

Hafið það sem allra best í Köben og til hamingju með Tengibrautina og endalok þeirrar bullumræðu

[Linda Ósk Sigurðardóttir (IP-tala skráð) 27.5.2007 kl. 22:36]

Elsku Herdís og Elli minn, að vera saman og það í Köben er það sem skiptir máli ....puff, puff á veðrið !!! Muna svo að kíkja í búðina við hliðna á Tívólí, það má alltaf fá sér einn bangsa eða tvö....eða þrjá......

kveðja og knús