Svona er Ísland í dag!

Það er nákvæmlega magnið sem maður veltir fyrir sér. Af þessum rúmlega 60 kílóum voru 14 kíló af hreinu e-töflu dufti sem hefði dugað til að framleiða 140 þúsund e-töflur.. sem NB átti að framleiða hér á Íslandi. Þá eru um 50 kíló eftir að dópi sem væntanlega er hægt að blanda upp og selja þúsundum Íslendinga, sem klárlega hefði kallað á "framleiðslu" nýrra fíkla. Ég fæ hroll sem móðir 12 og 15 ára barna.

Maður veltir því líka fyrir sér hver er höfuðpaurinn í svona máli? Hvaða milli leggur sig svo lágt? Já það verður fróðlegt að vita hvort hann finnst. Það er líka búið að upplýsa um að þetta hafir trúlega ekki verið í fyrsta skiptið sem þessi leið í innflutningi hafi verið farin, sömu menn á annarri skútu fóru eins svaðilför yfir hafið á sama árstíma, og líklegt að um sama "rekstraraðila" hafi verið að ræða. 

Svona er Ísland í dag! 

 

 

 

E-töfluduftið dugar í 140 þúsund töflur

Athugasemdir

[stebbi (IP-tala skráð) 22.9.2007 kl. 12:23]

Ekki fyrsta skiptið nei.. Lögreglan getur ekki tekið á svona máli nema búin að rannsáka málið í allt að 2ár og eyða x mörg hundruð milljónum í það.

Síðan er maðurinn tekinn eftir 2ára rannsókn, færður í fangelsi og það kemur strax nýr glæpamaður að stjórna starfseminni, og þá hefur lögreglan aftur 2ára rannsóknina sína á ný. Svona gengur þetta í hringi.

[Geir (IP-tala skráð) 22.9.2007 kl. 14:21]

Pfff þetta eru bara ellur... ekkert svo slæmar enda bara örvandi þunglyndislyf sem eru svipaðar eða skárri en margt sem er selt í apótekum.

Fyndið að annað hvert skipti sem einhver tekur inn E-pillu í leiknu sjónvarpsefni þá dettur viðkomandi niður í gólfið og deyr af ofhitnun, heilaþvotturinn greinilega á fullu enda er slíkt mjög sjaldgæft.

"The risk of death from Ecstasy use is extremely low. Between 1988 and 1997 some 50-100 UK deaths have been connected to Ecstasy use. The current rate is 7 deaths per million users per year. More people die fishing or eating peanuts."

http://www.thegooddrugsguide.com/ecstasy/dangers.htm 

Þegar kemur að áfengisdrykkju þá er hlutfallið 350 árleg dauðsföll á hverja milljón neytendur. Einnig eru E-pillur minna líkamlega ávanabindandi heldur en bæði áfengi og tóbak, minnihlutinn sem verður háður þeim verða það fyrst og fremst andlega. 

[Herdís Sigurjónsdóttir, 22.9.2007 kl. 16:42]

Svona mál hefur aldrei komið upp fyrr og því vona ég að þetta sé það sem koma skal, enda mikið magn fíkniefna sem gerð voru upptæk.

En Geir minn. Ég velti því fyrir mér hvort ég ætti að fela þessa færslu því ég er svo  Ósammála öllu því sem kemur fram, en ákvað svo að láta það standa... öðrum víti til varnaðar.

Það er hægt að réttalæta allt og meira að segja hef ég heyrt fólk segja að það eigi að drekka áfengi skv. læknisráði, en boy ó boy hvað þú ert á rangri hillu í þessu máli. Það að fólk látist af völdum áfengisdrykkju réttlætir ekki inntöku eiturlyfja á borð við E-töflur vona ég svo sannarlega að þú áttir þig á því fljótlega. Það er því miður staðreynd að margir og þá sérstaklega ungt fólk trúir því að þessi lyf séu skaðlaus eins og þú heldur fram og það hræðir mig verulega.

Síðan hefur þessi heimur líka sínar kolsvörtu hliðar og það er heimur fíklanna, þeirra sem eru orðnir háðir efnunum og svífast einskis til að fullnægja fíkn sinni.

[stebbi (IP-tala skráð) 22.9.2007 kl. 17:44]

Það er nú bara eitt sem mér finnst óréttlætanlegt. Það er að hafa löggjöf sem kostar jafn mikið og fíkniefnalögjöfin í dag, sem hefur í för með sér að dópsalar, handrukkarar og glæpastarfsemir myndast. Mín skoðun um hvað er ekki hægt að réttlæta :)

[Ásdís Sigurðardóttir, 22.9.2007 kl. 20:46]

Ég vil eiturlyfin burt, lengst útí hafsauga, mér finnst ekki á neinn hátt hægt að réttlætla neyslu þeirra og eins getur orðið með vín ef fólk misnotar það þá er það uppskrift af hörmung fyrir svo marga. Mér finnst frábært að gaurarnir náðust.

[Geiri (IP-tala skráð) 23.9.2007 kl. 04:05]

"Það að fólk látist af völdum áfengisdrykkju réttlætir ekki inntöku eiturlyfja á borð við E-töflur vona ég svo sannarlega að þú áttir þig á því fljótlega."

Þetta er minn líkami og það einfaldlega kemur þér ekki við hvaða efni ég set í hann. Þvingandi neyslustýring er ekkert annað en skerðing á eignarrétti yfir eigin líkama. Neysla mín á ellum er réttlætanleg að því leiti að ég á líkamann minn og ég er tilbúinn í að taka áhættuna, rétt eins og þegar ég fæ mér áfenga drykki.

"Það er því miður staðreynd að margir og þá sérstaklega ungt fólk trúir því að þessi lyf séu skaðlaus eins og þú heldur fram og það hræðir mig verulega."

Núna ertu að snúa því sem ég sagði, ég sagði aldrei að þau væru skaðlaus. Ég var einfaldlega að benda á að áróður yfirvalda um að öll ólögleg efni séu margfalt verri en þau löglegu er rangur.

Ég er annars ekkert sérstaklega að hvetja fólk til þess að fara í neyslu, gott mál ef fólk getur lifað án þess. Ég er bara að tala fyrir þá sem eru ofsóttir af yfirvöldum fyrir það eitt að vera í neyslu á öðrum efnum en ríkisfíkniefnunum.

Og ég er ekki sammála því að það sé mikið um ungt fólk sem trúir því að fíkniefni séu skaðlaus, ungt fólk í dag er mjög meðvitað um hætturnar en málið er bara að sumir eru tilbúnir að taka áhættuna þrátt fyrir það.

"Það er hægt að réttalæta allt og meira að segja hef ég heyrt fólk segja að það eigi að drekka áfengi skv. læknisráði,"

Var algengast fyrir um áratugi, í dag eru flest læknasamtök í heiminum búin að draga það til baka. Þetta ráð hafði nefnilega þær afleiðingar að margir urðu háðir áfengi, t.d. í Bandaríkjunum varð þetta eins og faraldur hjá húsmæðrum.

"Síðan hefur þessi heimur líka sínar kolsvörtu hliðar og það er heimur fíklanna, þeirra sem eru orðnir háðir efnunum og svífast einskis til að fullnægja fíkn sinni."

En hegðunin er margfalt verri þegar kemur að ólöglegum efnum vegna þess að umhverfið verður meira og fíklarnir neyðast til þess að stunda glæpi vegna þess að efnin eru svo dýr (sumir þurfa tugir eða hundruðir þúsunda á mánuði eingöngu fyrir neysluna). Einnig myndu dauðsföll fækka hlutfallslega um allavega helming við lögleiðingu. Dauðsföll vegna áfengis myndu allavega tvöfaldast ef allir væru að drekka landa af götunni... það er alltaf skárra að fá efnin frá löglegum fyrirtækjum.

"Ég vil eiturlyfin burt, lengst útí hafsauga, mér finnst ekki á neinn hátt hægt að réttlætla neyslu þeirra og eins getur orðið með vín ef fólk misnotar það þá er það uppskrift af hörmung fyrir svo marga. Mér finnst frábært að gaurarnir náðust."

Af hverju eiga mismunandi reglur að gilda? Allt í lagi að drekk vín ef það er ekki misnotað? Ef þú veist það ekki nú þegar þá er hægt að vera í hóflegri neyslu á öðrum fíkniefnum.

[Herdís Sigurjónsdóttir, 23.9.2007 kl. 09:33]

Ég ætla ekki að svara þér Geir í smáatriðum en segi það eitt að:

ég hef hitt ungt fólk í mínu nærumhverfi sem segir mér að þessi efni séu skaðlaus og bara sport að fá sér e-pillu.

ég á frændsystkin sem ætluðu bara að prófa, en þekkja nú heim eiturlyfja og hafa staðið við dauðans dyr, en komu sér upp úr því og njóta lífsins laus við fíknina.

ég á félaga sem hafa barist við fíknina áratugum saman og halda varla uppi viðræðum því skammtímaminnið er horfið vegna hassreykinga og dópneyslu.

Einnig hefur ungur drengur mér mjög nákominn tekið líf sitt í fangelsi þar sem hann sat inni vegna eiturlyfjamáls..

Geir, ég þarf ekki að neyta eiturlyfja til að sjá afleiðingarnar á einstaklingana og fjölskyldur þeirra. Ég tala fyrir mig og sem móðir unglinga sem brátt fara á djammið og gætu hitt fyrir fólk sem heldur því fram að það sé allt í lagi að reykja hass og það sé í lagi að taka e-pillur um helgar og upphefð ef manni sé boðið í nös.

Við verðum við aldrei sammála um að rétt sé að lögleiða sölu eiturlyfja og tek ég heilshugar undir með Ásdísi hálfnöfnu minni Sigurðardóttur þegar hún segir að hún vilji eiturlyfin út í hafsauga.

[Geiri (IP-tala skráð) 24.9.2007 kl. 00:09]

"ég á frændsystkin sem ætluðu bara að prófa, en þekkja nú heim eiturlyfja og hafa staðið við dauðans dyr, en komu sér upp úr því og njóta lífsins laus við fíknina."

Gott að heyra það... alltaf gott mál þegar fíklar komast úr neyslu.

"ég á félaga sem hafa barist við fíknina áratugum saman og halda varla uppi viðræðum því skammtímaminnið er horfið vegna hassreykinga og dópneyslu."

Já það er rétt að hassneysla getur haft áhrif á heilastarfsemina, hinsvegar rétt eins og með áfengið þá þarf óhóflega neyslu svo að skaðinn verði mikill. Það er fyrst og fremst dagreykingarfólk sem lendir í slíku, einnig er algengt að slíkt fólk sé notað í rannsóknir vegna þess að þeir sem eru í hóflegri neyslu hafa enga þörf fyrir því að láta vita af henni.

Annars á ég fertuga frænku sem getur ekki séð um sjálfa sig og þarf að búa á sambýli vegna þess að heilinn hennar hefur orðið fyrir miklum skaða vegna drykkju, t.d. man hún ekki eftir fólki (þar á meðal nánustu ættingja). 

"Einnig hefur ungur drengur mér mjög nákominn tekið líf sitt í fangelsi þar sem hann sat inni vegna eiturlyfjamáls.."

Og samt ert þú fylgjandi að yfirvöld séu að ofsækja fólk í neyslu?

"Geir, ég þarf ekki að neyta eiturlyfja til að sjá afleiðingarnar á einstaklingana og fjölskyldur þeirra. Ég tala fyrir mig og sem móðir unglinga sem brátt fara á djammið og gætu hitt fyrir fólk sem heldur því fram að það sé allt í lagi að reykja hass og það sé í lagi að taka e-pillur um helgar og upphefð ef manni sé boðið í nös."

Uppeldi vegur meira heldur en löggjöf þegar kemur að þessu. Fíkniefni munu alltaf verði aðgengileg og því verður þú bara að reyna að ala þau upp þannig að þau segi nei takk. Hefur þú annars engar áhyggjur á að einhver bjóði þeim áfengi og segi að það sé hættulaust og bara stuð? Þú finnur nefnilega 10x fleira fólk sem telur að áfengi sé skaðlaust. Vil minna á að ég vil ekki hvetja til neyslu þó ég sé því fylgjandi að fullorðnir einstaklingar fái að ákveða slíkt fyrir sjálfa sig.

Ég hef verið í neyslu á ólöglegum efnum í 5 ár, hinsvegar hefur hún alltaf verið hófleg. Í dag er neyslan allavega helmingi minni en fyrsta árið, líklega vegna þess að það er svo spennandi fyrst. En að meðaltali hefur það aldrei verið meira en 1x í mánuði. Ég er persónulega á móti neyslu á sumum efnum og forðast þau sjálfur þó ég sé ekki fylgjandi banni, ég hef t.d. engan áhuga á að sprauta mig. Miðað við magnið af fíkniefnum á götunni þá eru margfalt fleiri í neyslu en þeir sem enda í meðferð, margir hafa þá tilfinningu að það endi illa hjá flestum sem er skiljanlegt vegna þess að við fréttum bara af slæmu dæmunum. 

Vissir þú annars að fleiri láta lífið af læknadópi heldur en af öllum ólöglegu efnunum? Það er margt sem hægt er að misnota í þessum heimi, við verðum að kenna/læra sjálfstjórn en ekki ætlast til þess að einhver vefji okkur í bómul á lífsleiðinni.

Ég mun alltaf verða fylgjandi lögleiðingu vegna þess að ég hef orðið vitni af því hversu hræðilegir undirheimarnir okkar eru, hef séð hvernig þeir nærast á ólögleika fíkniefna. Hef orðið vitni af því hvernig stríðið er oft að skaða fólk meira heldur en efnin. Ég er frjálslyndur einstaklingur og tel að yfirráðaréttur fólks yfir eigin líkama sé mjög heilagt og eigi ekki að skerða nema viðkomandi sé að skaða aðra með beinum hætti.