Litla jólabarn

Jæja jólin eru bara alveg að koma, merkilegt nokk. Allt er ljósum skreytt, jólakortin streyma inn um lúguna og inn í inn-boxið í tölvunni minni, en ég er samt ekki enn komin í þetta eiginlega jólastuð. Fólk spyr mig ... "ertu búin að öllu?".. Ég játa því og ég velti því samt alltaf fyrir mér hvað felist í þessu "öllu". En ég er a.m.k. búin að öllu sem ég ætlaði að vera búin að gera 21. desember 2007. Er búin að klára þriðju önnina í háskólanum, kaupa jólagjafir, er að skrifa á jólakortin eru alveg að fara úr húsi, en verða snubbóttari en vanalega, en ég ætla að bæta það upp með jólaannál fjölskyldunnar sem ég set inn á bloggið um jólin. Við  Rituhöfðafjölskyldan fórum svo í jólatívolí í Kaupmannahöfn um síðustu helgi, alveg yndislega ferð sem mun lifa með okkur alla tíð. Elli og krakkarnir eru búin að skreyta smá og setja jólaljós á húsið (enda annars úrskúfuð úr Rituhöfðanum). Við erum að fara á Siglufjörð og getur Sædís Erla ekki beðið eftir því að komast til ömmu og afa á Sigló og er mikil tilhlökkun hjá öllum.

.... en samt, ég er eitthvað svo pollróleg yfir sjálfum jólunum  .... ég átta mig samt ekki alveg á því hvort þetta er bara spennufall eftir skólastressið eða hvort ég sé í alvöru hætt að vera jólabarn .. 

Ein gömul og góð jólamynd af Ásdísi Magneu þegar hún var bara átta ára með Mola í fanginu.

Athugasemdir

[Ásdís Sigurðardóttir, 21.12.2007 kl. 18:22]

Sæl og velkomin heim, gott að ferðin var svona frábær. Ég er viss um að þegar þú kemur "heim" á Sigló þá detturðu í jólagírinn. Annars er ég líka pollróleg og hef einmitt verið að velta þessu fyrir mér "búin að gera allt" allt getur verið svo mismunandi milli ára. Mitt allt í ár er friður, kærleikur og rólegheit. Samvera fyrst og fremst.  Gangi ykkur vel norður og njótið jólanna. Kær kveðja.

[Ásdís Sigurðardóttir, 21.12.2007 kl. 18:52]

    taktu þetta með þér norður  :):)

[Vilborg Traustadóttir, 21.12.2007 kl. 22:55]

Gleðileg jól í Mosó og áfram norður á Sigló.

[Linda Ósk Sigurðardóttir (IP-tala skráð) 21.12.2007 kl. 23:14]

Herdís mín, þetta með jólastressið, jólafílinginn, jóla þetta og jóla hitt, það bara kemur og það kemur frá hjartanu á aðfangadag.......allt annað skiptir ekki máli og alls ekki það sem engu máli skiptir

Góða ferð, hafið það gott og njótið þess að eiga hvort annað og vera saman

[Kjartan Pétur Sigurðsson, 22.12.2007 kl. 01:03]

Gleðileg jól og takk fyrir skemmtilegt bloggár :)

[Linda Ósk Sigurðardóttir (IP-tala skráð) 24.12.2007 kl. 15:10]

Gleðileg jól kæra vinkona og megi friður jólanna vera með þér og þínum yfir jólin.

Jólaknús frá okkur á Móabarðinu

[Gunnlaugur B Ólafsson, 24.12.2007 kl. 15:17]

Gleðileg jól og gæfuríkt nýtt ár      

[Bjarney Hallgrímsdóttir, 25.12.2007 kl. 12:07]

Gleðileg jól vina, til þín og þinna.

Vona þið hafið það yndislegt um hátíðina.