Strákurinn fékk útrás í íþróttum

Ég sá Lindu Finnboga á forsíðu 24 stunda þar sem hún var að ræða um frumburðinn sinn Björgvin Pál Gústavsson, varnarmanninn knáa. Ég var ekki búin að átta mig á því að þetta væri strákurinn þeirra Lindu og Gústa Dan, fyrr en ég las viðtalið. Mér þótti þetta hjartnæmt og yndislegt viðtal og var auðvelt að lesa gegnum línurnar afar náið samband þeirra mæðgina, enda ljóst að þau hafa gengið saman í gegnum súrt og sætt.

Þetta er gott viðtal og þyrfti að gera meira af því að segja sögur af því hvernig hægt er að vinna með kraftmikla krakka, en fyrsta sem fólki dettur í hug er að fá rítalín til að hemja þau í stað þess að leita leiða til að krafturinn fái útrás, líkt og Björgvin Páll fékk í íþróttum. Þetta var eitthvað svo myndrænt og skemmtilegt og gat ég alveg séð hann fyrir mér stóran og stæðilegan strák í dansi, fimleikum og karate. En gott að hann fann sig í handboltanum. Ég segi nú bara "lánið okkar Íslendinga".

Til hamingju með strákinn Linda mín, við söknuðum þín á Reykjaskólamótinu um daginn.

Handboltinn bjargaði honum

Athugasemdir

[Ásdís Sigurðardóttir, 23.8.2008 kl. 16:16]

ÉG skrifaði einmitt um þetta líka. Minn var greindur og mér boðin lyf en ég ákvað að taka á þessu sem óþekkt og yfirgangi. Þetta lagaðist svo smátt og smátt, hann þurfti bara alltaf að hafa verkefni. Í dag er hann nýbúinn að stofa verktakafyrirtæki í Köben. ekkert lærður vegna framheilaskaðans sem hann fékk í slysinu 2000 en er alveg frábær og vinsæll. Hann vinnur við enduruppbyggingu eldri íbúða í Köben.  Kær kveðja hálfnafna og njótt helgarinnar, er bóndinn að koma til??