Krikaskólaskóflustunguskóflur

Í gær tókum við Halli, Kalli og leikskólakrakkar í Brekkukoti, sem fara í Krikaskóla á næsta ári fyrstu skóflustungurnar að Krikaskóla. Þetta var skemmtilegt og ekki var verra að ekki rigndi og var meira að segja sól, sem ekki hefur nú ekki sést mikið að undanförnu.

Þetta var alveg yndislegt og ekki síst fyrir þær sakir að krakkarnir nutu sín í botn og fóru þau bara nokkuð langt með grunninn ;). Þrúður skólastjóri Krikaskóla sagði að þau væru að hugsa um að bjóða upp á skóflustunguþjónustu í hverfinu. Að taka fyrstu skóflustungur að þeim húsum sem byggð verða í Helgafellshverfi á næstunni ... enda eiga þau þessar flottu skóflustunguskóflur.

Hér er einn gullmoli frá því í gær.

Valtýr Elliði, 4 ára: Ég er að moka.

Sólveig Kr. Bergmann: Af hverju?

Valtýr Elliði: Af því ég ætla að byggja skóla.

Skóli frábrugðinn öðrum

Athugasemdir

[Guðrún Indriðadóttir, 26.9.2008 kl. 18:07]

Heldur þú ekki að þið verði lengi að grafa grunninn en það er gott að hafa alla þessa aðstoð frá leikskólabörnunum

[Ásdís Sigurðardóttir, 26.9.2008 kl. 18:16]

Innilega til hamingju með þennan áfanga. Hlakka til að fylgjast með framgangi skólans, er viss um að þetta á eftir að skila góðu. Sá fullt af myndum hjá Kalla Tomm í dag og er enn að dást að því hversu ungleg og falleg þú ert stelpa. Knús og góða helgi í Mosó. Þú veist að ég er oftast heima og vil svo gjarnan fá þig í heimsókn.

[Karl Tómasson, 28.9.2008 kl. 19:27]

Það er rétt Ásdís hún eldist ekkert þessi kella.

Anna þú verður nú bókstaflega að láta blaðamann Mosfellings vita þegar þið bekkjaristkynin hittist.

Bestu kveðjur Herdís mín og til ykkar allra frá Kalla Tomm.

[Stefán Gíslason, 29.9.2008 kl. 22:11]

Til hamingju með áfangann frænka! Þú ert flott með skófluna!!!
Það verður líka gaman að fylgjast með þessu verkefni í umhverfislegu tilliti!