Hvað gerist fyrir 17. júní 2009?

Evrópumálin hafa ekki verið rædd hjá VG og Samfylkingunni, en samt fara flokkarnir rígbundnir til kosninga!

Þetta er merkilegt svo ekki verði meira sagt. Flokkarnir hafa tjáð sig opinskátt um málin og dylst engum að VG vill alls ekki Evrópuaðild og ekki kemur til greina að fara slíka leið án þess að þjóðin fái að gefa sitt álit á málinu, sem er sú leið sem sem landsfundur Sjálfstæðisflokksins samþykkti Ella mínum til mikillar armæðu. Samfylkingin hins vegar vill inn og að sækja um aðild strax og er bara ekki við viðræðu um annað, líkt og margoft hefur komið fram, enda er slík áhersla á ESB málið þar á bæ.

Er að nema von að flokkarnir hafi ekki rætt saman!

Ef ég yrði spurð um mitt álit og beðin um að spá í hvað þurfi til að VG og Samfylking starfi saman, eða vinstri flokkarnir eins og Jóhanna sagði fyrir þeirra beggja hönd í lokaorðum sínum í gær, spái ég því að flokkarnir fari Sjálfstæðisflokksleiðina.... þ.e.a.s. ef þeir ætla að starfa saman eftir kosningar og að ekki verði hafnar viðræður um aðild fyrir 17. júní 2009.

En eins og Samfylkingin talar virðist hún helst vilja sækja um aðild fyrir umræddan tíma, enda stendur allt planið og fellur með inngöngu í ESB.

Ekkert samkomulag um ESB

Athugasemdir

[Guðmundur Eyjólfur Jóelsson, 25.4.2009 kl. 09:24]

Hvaða vitleysa er í gangi ,er ég að hlusta á eitthvað allt annað í útvarpi og sjónvarpi en þið sem eruð til hægri ,viljið þið bara heyra það sem þið viljið heyra og sleppið hinu ,þetta er ekki góður málflutningur og traustverður .

'eg gat ekki betur heyrt en að þau myndu ná saman og bæði vildu að þjóðinn hefði síðasta orðið um ESB. Að sækja um aðild er allt annað en að ganga inn í ESB gerið þið ekki greinarmun þar á?

[Herdís Sigurjónsdóttir, 25.4.2009 kl. 09:41]

"Við sem erum til hægri" eins og þú kallar mig sem þetta skrifa og skrifa hlutina nákvæmlega eins og þeir blasa við mér og flestum Íslengingum. Ég veit nákvæmlega hvað aðildarviðræður merkja, þakka þér samt fyrir hugulsemina.

Samfylkingin talar skýrt í þessum málum, hún vill fara í viðræður strax, ekki eyða tíma í það að spyrja þjóðina hvort hún vilji fara í viðræður eins og VG og fleiri vilja gera.

[Gylfi Björgvinsson, 25.4.2009 kl. 10:07]

Ég held við höfum öll verið að sjá og heyra það sama. Þarna voru tveir flokkar VG og SF sammála um að vera ósammála.. en telja sig samt geta samið um þetta... ótrúlegt enn satt. SF hefur haft þessa stefnu lengi. Því ætti einhver að trúa þeim nú. þau hafa ekkert gert til að koma þessu á koppinn hingað til.