Hjálp- hvað meinar Guðni?

Hvað var Guðni Ágústsson varaformaður Framsóknarflokksins að meina með því að segja að Sjálfstæðisflokkurinn hafi verið stikkfrír í allri umræðu og að Geir hefði talað á landsfundinum eins og hann stjórnaðir landinu einn. Ég hlustaði á þetta viðtal aftur því ég hélt að ég hefði ekki tekið rétt eftir, en jú þetta sagði hann. Guðni var frekar niðurdreginn, enda staðan vægast sagt slæm í öllum könnunum hingað til og aðeins 5-7 þingmenn inni.

Guðni sagði líka að Framsókn yrði að ná 17 - 20 % fylgi til að starfa með Sjálfstæðisflokknum, en það væri hópur þeirra sem vildi ekki sama stjórnarmynstur. Ef ég man það rétt þá kom hið gagnstæða fram í einni af mörgum könnunum og þar voru það einmitt mun fleiri Framsóknarmenn en Sjálfstæðismenn sem vildu áframhaldandi samstarf flokkanna.

En Framsóknarmenn hafa sýnt það fyrr að hægt er að ná upp fylgi á síðustu metrunum, en hvort það tekst að komast upp á topp með "ekkert stopp" kemur í ljós í kosningunum þann 12. maí.

Guðni: Sjálfstæðisflokkurinn virðist stikkfrí í umræðunni

Athugasemdir

[Vilborg Traustadóttir, 20.4.2007 kl. 23:51]

Guðni er að fara á límingunum.  Ekkert skrýtið m.v. skoðanakannanir.  Það kemur bara í ljós hvað verður.....

[Ásdís Sigurðardóttir, 21.4.2007 kl. 00:23]

Guðni er bara með allt niðrum sig og hræddari en mús við kött. Hann  vonar bara að hann eigi álfafylgi upp til sveita, annars er hann og hans menn bara búnir að vera og þá verðum við bara í meirihluta "all alone"    eða þannig.

[Þórdís Bára Hannesdóttir, 21.4.2007 kl. 15:52]

Framsóknarmenn hafa verið með óvinsæl ráðuneyti.  Félagsmála og heilbrigðismálaráðuneytin.  Að sjálfsögðu tapa þeir fylgi.  Afhverju láta þeir fara svona með sig? Sjálfstæðisflokknum dettur ekki í hug að vera í forsvari fyrir þessi ráðuneyti.

[Herdís Sigurjónsdóttir, 21.4.2007 kl. 16:07]

Ó jú þeim dettur það svo sannarlega í hug og var sagt mjög hátt og snjallt á landsfundinum að þeir vildu einmitt fá heilbrigðisráðuneytið. Það má ekki gleyma því að flokkarnir eru í ríkisstjórnarsamstarfi og er ekki eins og öll málefni sjálfstæðisflokksins nái aðeins fram að ganga í þeim ráðuneytum sem þeir stýra og öfugt. Það er ekki eins og flokkarnir skrifi undir stjórnarsáttmála og hittist svo ekki aftur fyrr en við næstu kosningar.