Gleðilega þjóðhátíð

Jæja þá eru skátarnir á heimilinu farin út til að setja upp sjoppuna og undirbúa daginn, en hér í Mosfellsbænum eru skátarnir virkir þátttakendur í dagskrá 17. júní. Það verður gaman hér í dag eins og sjálfsagt um allt land á þessum degi og sannkölluð fjölskylduskemmtun. Ég þarf ekki að sinna neinum embættisverkum og er eina verkefnið sem ég hef í dag er að koma með brauðtertu á hlaðborðið í Hlégarði sem Sturlumamma og því verður maður mest bara í að njóta gírnum, sem er dásamlegt á svona fallegum degi.

Gleðilega þjóðhátíð!

Dagskrá 17. júní 2007 í Mosfellsbæ

Hátíðarguðsþjónusta í Lágafellskirkju kl. 11:00

Prestur: sr. Ragnheiður Jónsdóttir

Einsöngur: Hanna Björk Guðjónsdóttir

Organisti: Jónas Þórir

Kirkjukór Lágafellssóknar

Skátar standa heiðursvörð.

Hátíðardagskrá í Bæjarleikhúsi kl. 13:00

• Setning hátíðar
• Ávarp fjallkonu
• Álafosskórinn
• Hátíðarræða
• Bæjarlistarmaður Mosfellsbæjar heiðraður

Skrúðganga frá Bæjarleikhúsi að Hlégarði kl: 14:00

Skátar leiða gönguna. Skólahljómsveit Mosfellsbæjar tekur á móti bæjarbúum

Hátíðardagskrá á Hlégarðssvæðinu

• Leikskólabörn frá Reykjakoti skemmta bæjarbúum
• Leikfélag Mosfellssveitar með uppákomu
• Skoppa og Skrítla
• Stúlkur úr 6. bekk Varmárskóla syngja
• Fjöllistamaðurinn The Mighty Garath
• Stúlkur úr fimleikadeild UMFA
• Tívoli, leikir, glens og gaman með félögum úr Mosverjum

Kl. 16:00

Sterkasti maður Íslands!

Sterkustu menn landsins keppa um titilinn sterkasti maður Íslands.

Kökuhlaðborð UMFA

Kl. 19:30 - 22.00

Fjölskylduskemmtun við Hlégarð

• Galdramaður
• Magni og Á móti sól
• Mosóbönd

Athugasemdir

[Kristján P. Gudmundsson, 17.6.2007 kl. 11:40]

Já, gleðilega þjóðhátíð, kæri bloggvinur .Við, Kristín Ingiríður, erum stödd heima á Siglufirði. Við komum hingað í gær á nýja Ciddanum okkar eftir þægilega ferð að sunnan. Við sáum lögregluna á Blönduósi einungis hafa afskipti að einum ökumanni, en daginn áður hafði hún stöðvað um 100 ökuþóra ! Það er greinilegt, að aukin gæsla á þjóðvegum landsins skilar sér vonandi í færri umferðaslysum.

Bestu kveðjur frá þinum gamla heimabæ, kæra Herdís ! KPG.

[Ásdís Sigurðardóttir, 17.6.2007 kl. 12:04]

Til hamingju með daginn. Þetta er heilmikil dagskrá og vonandi gengur allt vel. kær kveðja