Hefur einhver óskað þess að þú værir dauður?

Ég las niðurstöður rannsóknarinnar sem Barnaverndarstofa gerði og varð satt best að segja hálf miður mín. Ég hefði samt viljað sjá stærra úrtak, en alls voru 116 börn spurð, 61 strákur og 55 stelpur, en þessi rannsókn gefur okkur ágæta mynd af stöðu mála.

Þarna voru margar sláandi spurningar og fékk ég sting í hjartað þegar ég sá eina þeirra. "Hefur einhver í fjölskyldu þinni eða sem býr þar sagst óska þess að þú værir dauður eða hefðir aldrei fæðst?". Tuttugu börn af þessum 116 höfðu upplifað slíkt og í flestum tilfellum frá öðrum börnum eða ungmennum á heimilinu, en fjögur börn höfðu heyrt slíkt frá fullorðnum einstaklingi, sem er sorgleg staðreynd.

Fimmta hvert barn á grunnskólaaldri hefur sætt líkamlegu ofbeldi

Athugasemdir

[Jón Brynjar Birgisson, 3.7.2007 kl. 15:06]

Það er ömurlegt að einhver börn skuli þurfa að heyra svona lagað.

[Ásdís Sigurðardóttir, 3.7.2007 kl. 16:41]

Það er skelfilegt að börn þurfi að heyra svona lagað. En það er nú samt því miður satt.

[Kolbrún Baldursdóttir, 3.7.2007 kl. 17:03]

Mér finnst ég ekki geta dregið ályktanir af svona niðurstöðum nema sjá hvernig þessi könnun var hönnuð, hverjir sömdu spurningarnar osfrv. og hvernig þær eru orðaðar allar saman.
Svona rannsókn þarf að vera afar faglega unnin ofan í grunninn ef hún á að ná því markmiði sínu þ.e. að kalla fram þær upplýsingar sem henni er ætlað. Þetta er spurning um réttmæti og áreiðanleika. Samning svona viðkvæmra spurninga hlýtur að vera mjög svo vandmeðfarin