Háðungaverðlaun Nóbels

Ég var nú ekki alveg að ná þessari frétt um samkynhneigð óvinahermanna. Er verið að meina að þegar hermaður X hittir hermann Y úr hinu liðinu þá skjóta þeir ekki hvorn annan, heldur fyllast óviðráðanlegri kynlöngun til hvors annars? Er það ekki bara fínt? En kannski vandamál í sjálfu sér ef aðeins annar hermaðurinn verður fyrir samkynhneigðarsprengjunni, því þá er eins víst að hinn myndi skjóta. En spurning hvaða aðferð vísindamennirnir hafa beitt við þessa rannsókn?

En ég næ því alveg að verðlaun hafi fengist fyrir þetta með kúadelluvanilluna og stinningarlyfið og hamstrana,  ekkert smá afrek að láta sér yfir höfuð detta það í hug .

„Samkynhneigðarsprengja" hlýtur Ig Nóbelsverðlaun

Athugasemdir

[Bjarni (IP-tala skráð) 5.10.2007 kl. 11:26]

Hér er augljóslega verið að tala um hermenn í sama liði, en ekki mótherja!

[Herdís Sigurjónsdóttir, 5.10.2007 kl. 12:51]

Ja há þú segir nokkuð Bjarni, það er nefnilega ekkert augljóst í þessu orðalagi. Hefði þá ekki verið réttara að segja hermenn í stríði, eða hermenn á vígvelli, en ekki óvinahermenn. Óvinir hvers???