Langir hundrað dagar

Ég ætlaði ekki að trúa því því þegar tengdó hringdi áðan og sagði hvort ég hefði séð fréttirnar .... að meirihlutinn í Reykjavík væri fallinn .... aftur! Alveg lygilegt.  

Sem sagt Hundrað-daga-stjórnin fallin og Ólafur III víst að verða borgarstjóri. Síðan er boðað að Vilhjálmur I og IV muni taka við og ljúka kjörtímabilinu. Ekki græt ég það að sjá félaga mína í sjálfstæðisflokknum aftur í meirihluta í borginni, þetta voru langir hundrað dagar, en það getur varla verið auðvelt fyrir starfsmenn borgarinnar að vinna við þessi tíðu meirihlutaskipti. 

Ólafur og Vilhjálmur stýra

Athugasemdir

[Marinó Már Marinósson, 21.1.2008 kl. 23:17]

Eigum við að gefa þeim svona ......    150 daga?   

[Félag Ungra Frjálslyndra, 21.1.2008 kl. 23:39]

Félag ungra frjálslyndra lýsir yfir algerum stuðning við Ólaf F. Magnússon borgarfulltrúa F-Listans og fagnar því að grundvallarmálefni Frjálslynda flokksins séu nú að fá brautargengi í Reykjavík.

Félag ungra frjálslyndra fagnar því sérstaklega að nýi borgarmeirihlutinn ætli sér að viðhalda eign almennings á Orkuveitu Reykjavíkur og orkuauðlindum hennar.

[Rauða Ljónið, 22.1.2008 kl. 01:03]

Sæl, Herdís.

 Hundrað-daga-stjórnin fallin og Ólafur III,, ekki hundrað-daga-stjórnin,

Hún hét víst   Hundadagastjórnin  Jörundur ríkti í 106 daga ef ég man rétt.

Kv, Sigurjón Vigfússon 

[guðbrandur (IP-tala skráð) 22.1.2008 kl. 01:16]

Nýjan stjóra senn þeir kynna
svaðalegur á þeim hraðinn
þeir lyklaskiptum ættað lynna
og taka bar´úr lás í staðinn

[Magnús V. Skúlason, 22.1.2008 kl. 12:40]

Já, ætli ég afpanti ekki lóðina í Mosfellsbæ um sinn! Það liggur við að maður fari út á horn og þeyti lúðra og gefi öllum gestum og gangandi bláar gasblöðrur og íspinna!!!

[Ásdís Sigurðardóttir, 22.1.2008 kl. 17:59]

Æ, Herdís mín, ég er svo mikið leið á þessu öllu, finnst að fólk sé haft af fíflum í þessu máli.  Get ekki sætt mig við þessi skipti í borgarstjórn hverjir sem flokkarnir eru.  Kær kveðja í Mosó

[Vilborg Traustadóttir, 24.1.2008 kl. 17:02]

Dagur er bara eins og Jörundur hundadagakonungur...ekki leiðum að líkjast...