Flogið í útileguna og Reykjafell í Mosfellsbæ

Um síðustu helgi fór ég á eftir Ella og krökkunum í útilegu til Akureyrar. Hann fór á fimmtudeginum því hann átti að keppa með UMFUS á föstudeginum og brunaði hann með allt liðið og fellihýsið. Mamman skrifaði og skrifaði og síðan á laugardeginum hélt ég þetta ekki út lengur og flaug í útileguna eftir hádegi. Ég náði góðum sólarhring með þeim á Akureyri og skruppum við í kaffi til mömmu og pabba á Sigló á heimleiðinni.

Sturla og Sædís Erla eru heima á daginn að snúllast, en hann er í vist hjá okkur og passar litlu systur sína eins og sjáaldur augna sinna þessi elska. Ég reyni að vera mest heimavið og í dag fór ég heim  snemma, eftir að hafa fundast í bænum. Við skelltum okkur í Bónus og keyptum nesti, fórum og náðum í tengdó og skelltum okkur á Reykjafellið. Á leiðinni niður lentum við í skemmtilegum ævintýrum, hittum hesta og fengum að láni tvo rabbabara sem gerðu mikla lukku. Þetta var yndislegur göngutúr og voru allir sáttir og sársvangir þegar heim var komið.

Athugasemdir

[Guðrún Indriðadóttir, 9.7.2008 kl. 22:53]

þetta hefur verið frábær dagur hjá ykkur flottur rabbbbarbarrrisjáumst

[Linda Ósk Sigurðardóttir (IP-tala skráð) 11.7.2008 kl. 00:04]

Já, hvað eru þessi fell mörg Herdís mín? ..........bara svona ef mér dettur hug að labba þau þegar ég kem að norðan?

Koma svo, upp með nöfnin og hvaðn maður á að labba!

knús og love you :)

[Ásdís Sigurðardóttir, 11.7.2008 kl. 14:21]

Æðislegar myndir, mikið held ég að það sé gaman hjá ykkur. Njótið helgarinnar 

[Birna (IP-tala skráð) 12.7.2008 kl. 21:13]

Hæhæ takk fyrir innlitið :)

Nei sú stutta lætur enn ekkert kræla á sér, ég var nú að vona að þetta færi að koma barasta! Núna er bara að anda inn, anda út.. í rólegheitunum!!

Ohh mig langar svo í fjallgöngu...

 Kveðja Birna