Gömlu jólafötin ganga aftur

Það er alltaf eitthvað skemmtilegt framundan og nú er það sparifatasöfnun sem ég ætla að taka þátt í. Ég ætla bæði að taka til í skápunum og taka á móti fötum á söfnunardeginum.

Fatasöfnun Rauða kross Íslands stendur fyrir sérstakri sparifatasöfnun í samstarfi við deildir Rauða krossins á höfuðborgarsvæðinu laugardaginn 22. nóvember. Hugsunin að baki átakinu er veita fólki möguleika á að kaupa góð jólaföt á mjög hagstæðu verði í verslunum Rauða krossins eða að fá sparifatnaði úthlutað. Allur hagnaður af sölu fatnaðarins rennur í Hjálparsjóð Rauða krossins.

Koma svo og taka þátt , annað hvort með því að gerast sjálfboðaliðar brot úr degi, einn dag, já eða eða lengur og það innan eigin heimilis. Taka til í skápunum og skoða hvaða vel með farin föt eru ekki í notkun lengur og gætu komið öðrum vel. 

Tekið er á móti fötum í húsnæði Rauða kross deilda á höfuðborgarsvæðinu laugardaginn 22. nóvember frá kl.11-15. 

Reykjavík, Laugavegi 120

Mosfellsbær, Þverholt 7

Kópavogur, Hamraborg 11

Hafnarfjörður, Strandgötu 24

Garðabær, Garðatorgi

Álftanes, Haukshúsið á Álftanesi

 

Nú er tækifærið að taka þátt og gefa af sér í orðsins fyllstu merkingu.

 

Athugasemdir

[Ásdís Sigurðardóttir, 10.11.2008 kl. 15:20]

Verður ekkert hér á Selfossi? veistu hvort ég get tekið þátt einhversstaðar, ég meina að auglýsa og taka á móti og færa ykkur svo afraksturinn í bæinn? I'm game  það væri hægt að birta fréttatilkynningu ókeypis í staðarblöðunum hér á Selfossi þau koma út 20.nóv. Vertu í bandi knús

[Bjarkey Gunnarsdóttir, 10.11.2008 kl. 19:51]

Kæra skólasystir ég er búin að taka alla skápa hjá mér og skila til Rauða krossins. Fór í gegnum öll barnafötin og lét allt fara sem eitthvert notagildi hafði bæði spariföt og hversdags.

Hef verið frekar dugleg í að koma fötum í endurnýtingu (virðist sem þau minnki með árunum).

Sjáumst við ekki á fjármálaráðstefnunni?

Kveðja úr slabbinu

[Sigurveig Eysteins, 11.11.2008 kl. 01:48]

 Ég er sjálfboðaliði í Hafnarfjarðardeild, á Laugardögum tek ég að mér sjálfboðastarf í Læk, athvarf fyrir þunglinda og þá sem eiga eitthvað erfitt, þetta starf gefur mér mjög mikið, ég hreinsa skápanna hjá mér reglulega og fer með í Rauða krossinn

[Sigurveig Eysteins, 11.11.2008 kl. 01:55]

Já... ég gleymdi ég er líka sjálfboðaliði  í ný stofnaðri áfallahjálparteimi Hafnarfjarðardeildar Rauða krossins,