Ástu-Sólliljugata, Diljárgata, Snæfríðargata.....

Það  var gaman að lesa viðhorf bloggara til nafngiftar á götum í Helgafellshverfi í Mosfellsbæ, þar sem götu verða nefndar eftir kvenpersónum úr verkum Halldórs Laxness, s.s. Ástu-Sólliljugata, Diljárgata, Snæfríðargata og Sölkugata. Þessi götunöfn eru að mínu mati mjög flott og verður Helgafellshverfið í alla staði hið glæsilegasta fullbyggt. Ástu Sólliljugata virðist standa einna helst í fólki og er fólk þá einna helst að velta fyrir sér að þetta gæti skapað vandamál ef fólk yrði nú full þvoglumælt eins og Gáfnaljós sagði í sínu bloggi ......   áðstuþóllijugötu takk....  

 

Sjálf hef ég ekki stórar áhyggjur af því og hefur maður svo sem heyrt ýmsar góðar sögur um götunöfn sem hafa kannski meira með ástand viðkomandi að gera en lengd götuheitanna. Ég man t.d. eftir sögunni um Mosfellinginn sem var á heimleið og tók leigubíl í miðborginni eftir mikla skemmtun ... “Grundartangi” var það eina sem hann sagði áður en hann sofnaði, fullur trausts til leigubílstjórans........... Nú þegar leigubílstjórinn góði hnippti svo í hann á leiðarenda og vinurinn opnaði augun til hálfs, þá fannst honum húsið eitthvað hafa breyst........... Hann setti þá upp gleraugun og galopnaði augun og þá áttaði hann sig á því að þeir voru staddir á planinu fyrir framan verksmiðjuna á Grundartanga, en ekki fyrir framan litla sæta húsið hans við Grundartanga í Mosfellsbæ .

 

Götur nefndar eftir kvenpersónum úr verkum Laxness

Athugasemdir

[Vilborg Traustadóttir, 25.3.2007 kl. 20:29]

Glæsileg nöfn.  Ég held að Ástu Sólliljugata verði ekkert strembnara en t.d. Helgamagrastræti á Akureyri eða Munkaþverárstræti í sama bæ.  Gott mál.

[Herdís Sigurjónsdóttir, 25.3.2007 kl. 22:51]

ekki ennþá Hjördís

[Vilborg Traustadóttir, 26.3.2007 kl. 12:44]

Emil!! Það er verið að talaum Laxnes en ekki Lindgren!!! Strákskratti!!

[Herdís Sigurjónsdóttir, 26.3.2007 kl. 12:50]

Vilborg, var það hann sem skrifaði sögur um stjúpuna vondu

[Vilborg Traustadóttir, 26.3.2007 kl. 13:04]

  He he... já kannski.  Hvernig væri Vondustjúpugata?  Annars, mér finnst þetta frtábær hugmynd og sýnir vel virðingu og stolt Mosfellinga fyrir Halldóri Laxness.